बाइडेन र सी भेटघाट : ट्रम्प प्रशासनसंग सहकार्य गर्न चीन तयार
प्रकाशित मिति : मंसिर १, २०८१ शनिबार
US President Joe Biden holds a joint press conference with Canada’s Prime Minister Justin Trudeau, not pictured, at the Sir John A. Macdonald Building in Ottawa, Canada, on March 24, 2023. (Photo by ANDREJ IVANOV / AFP)
अमेरिकी राष्ट्रपति जो बाइडेन र चीनका राष्ट्रपति सी जिनपिङकाबिचमा भेटवार्ता भएको छ । सो अवसरमा दुवै समकक्षीहरुकाबिचमा आगामी चुनौतीबारे छलफल भएको बताइएको छ ।
पेरुमा भएको भेटमा दुबै नेताले दुई महाशक्तिहरूबीचको प्रतिद्वन्द्विता खुला द्वन्द्वमा परिणत हुन दिननहुनेमा जोड दिनुभएको थियो ।
सीले आफ्नो उद्घघाटन सम्बोधनमा अमेरिकी चुनावपछि अमेरिकी चीन सम्बन्ध नयाँ अनिश्चितताको चरणमा प्रवेश गरेको बताउनु भयो । उहाँले दुई ठूला राष्ट्रहरू कसरी राम्रोसँग सम्बन्ध कायम राख्न सक्छन् भनेर सहि बाटो खोजिरहनु आवश्यक रहेकोमा जोड दिनुभयो ।
राष्ट्रपति बाइडेनले पनि आफ्नो उद्घघाटन सम्बोधनमा चीनसंग सम्वन्ध कायम राखिरहनु पर्नेमा जोड दिनुभयो । उहाँले ट्रम्पले चीनमाथि थप कडा भन्सार शुल्क लगाउने र कडा नीतिका समर्थकहरूलाई प्रशासनमा नियुक्त गर्ने तयारी गरिरहेका बेला यो तर्क गर्नुभएको हो ।
उहाँले संवादहरु आवश्यक रहेकोमा जोड दिदै वार्ताहरूले गलत निर्णयलाई रोक्छन् र हाम्रो प्रतिस्पर्धा द्वन्द्वमा परिणत हुने छैन भन्ने सुनिश्चित गर्छन् भन्नुभयो ।
दुबै नेताबिचको भेटघाट १ घण्टा ४० मिनेटसम्म चलेको बताइएको छ । तर, यसबीचमा बाइडेनले चीनसँगका विवादास्पद विषयहरूमा समेत सिधै चुनौती दिने अवसर प्राप्त गरेको देखिएको छ ।
अमेरिकाले रूससँग चीनको बढ्दो निकटता, अमेरिकी दूरसञ्चार प्रणालीमा चिनियाँ ह्याकरहरूको आक्रमण, ताइवानको वरपरको सैन्य गतिविधि र दक्षिण चीन सागरमा चीनको आक्रमणकारी रणनीतिलाई लिएर चिन्ता व्यक्त गर्दै आएको छ ।
बाइडेनले ताइवानमा शान्ति कायम गर्न र युक्रेनमा रूसलाई समर्थन नगर्न उत्तर कोरियामाथि दबाब दिन बेइजिङलाई आग्रह गर्नुूभयो ।
साथै, हैटीमा अमेरिकी नेतृत्वमा भइरहेको सुरक्षा अभियानलाई औपचारिक संयुक्त राष्ट्र शान्ति मिसनमा बदल्न चीनलाई सहयोग गर्न बाइडेनले अनुरोध गर्नुभयो । तर, सीले आफ्नो अडान परिवर्तन गर्ने कुनै संकेत नदेखाउनु भएको बताइएको छ ।
सीले आउँदै गरेको ट्रम्प प्रशासनसँग सहकार्य गर्न इच्छुक रहेको संकेत दिनुभयो । उहाँले चीन नयाँ अमेरिकी प्रशासनसँग संवाद कायम गर्न, सहकार्य विस्तार गर्न र मतभेद व्यवस्थापन गर्न तयार छ भन्नुभयो ।