अमेरिकामा आएको मिल्टन आँधीबाट १६ जनाको मृत्यु
प्रकाशित मिति : आश्विन २४, २०८१ बिहीबार
Max Watts, of Buford, Ga., walks in the parking lot to check on a trailer parked outside the hotel where he is riding out Hurricane Milton with coworkers, Wednesday, Oct. 9, 2024, in Tampa, Fla. Watts, who works for a towing company, was deployed with colleagues to Florida to aid in the aftermath of the storm. (AP Photo/Julio Cortez)
अमेरिकामा आएको मिल्टन आँधीका कारण १६ जनाको ज्यान गएको छ । अमेरिकी अधिकारीले मृतकको संख्यालाई पुष्टि गर्दै आगामी दिनहरूमा मृत्युदर बढ्न सक्ने आशंका पनि व्यक्त गरेका छन्।
फ्लोरिडाको एक अपार्टमेन्ट परिसरबाट करिब ४ सय जनालाई उद्धार गरिएको छ । अपार्टमेन्टमा लगभग २ हजार मानिसहरू बसोबास गर्थे ।
बुधबार मिल्टन आँधी अमेरिकाको फ्लोरिडामा ठोक्किएको थियो ।
जसले गर्दा धेरै स्थानहरूमा पानी भरिएको छ । ३० लाख भन्दा बढी घरहरूमा विद्युत कटौती भएको छ ।
फ्लोरिडाको सेंट पीटर्सबर्गमा पिउने पानीको अभाव भएको छ । अधिकारीहरूले मिल्टन आँधीको विनाशपश्चात् पानीको आपूर्ति रोक्न बाध्य भएका छन् ।
अधिकारीहरूले दिएको चेतावनी अनुसार यो आँधी घातक हुनसक्छ । तीव्र हावासँगै अकस्मात् बाढी आउनसक्छ ।
मिल्टन आँधीले फ्लोरिडाभर विनाश निम्त्याएको छ । आँधीका कारण तीस लाख भन्दा बढी घर र व्यवसायहरूमा विद्युत आपूर्तिमा अवरोध उत्पन्न भएको छ ।
आँधीले तम्पा बे क्षेत्रमा १८ इन्चसम्म वर्षा गराएको छ भने सेन्ट पिटर्सबर्ग, सारासोटा, भेनिस र अन्य क्षेत्रमा बाढी ल्याएको छ। फ्लोरिडाको अधिकांश भागमा संकटकाल लागु गरिएको छ । धेरै खतरनाक अवस्था आएपछि धेरै काउन्टीहरूले आपतकालीन सेवाहरू निलम्बित गरेका थिए ।
फ्लोरिडामा दुई हप्तामा दुईवटा घातक आँधी आएको छ । विज्ञहरूका अनुसार जलवायु परिवर्तनले महासागरहरूलाई तताउने भएकाले सामान्य आँधीहरू बारम्बार हरिकेनमा परिणत भइरहेका छन् ।
उष्णकटिबंधीय आँधीहरू समुद्री तातो छालहरूमा बलियो तूफानमा परिणत हुने सम्भावना धेरै हुने विज्ञहरुको भनाई छ । अमेरिकी राष्ट्रिय आँधी केन्द्रका अनुसार हालका वर्षहरूमा उत्तर अटलान्टिक क्षेत्रमा आएको यो सबैभन्दा शक्तिशाली आँधी हो ।