अमेरिकी सांसद ग्रेस मेङको नेपाल भ्रमणको इच्छा

खसोखास अमेरिका ब्यूरो

---

प्रकाशित मिति : श्रावण ३१, २०८० बुधबार

न्युयोर्कको छैठौं डिस्ट्रिक्टबाट अमेरिकी संसदमा प्रतिनिधित्व गर्ने अमेरिकी सांसद ग्रेस मेङको नेपाल भ्रमणको इच्छा व्यक्त गरेकी छिन् । न्युयोर्कका नेपाली समुदायका सदस्यहरुसँगको एक भेटमा उनले नेपाल र नेपालीलाई असाध्यै माया गर्ने उल्लेख गर्दै मौका मिलेमा निकट भविष्यमा नेपालको भ्रमण गर्ने ईच्छा व्यक्त गरेकी हुन् ।

उनले आफू जनताबाट निर्वाचित जनप्रतिनिधीको हैसीयतले कुनैपनि पार्टी, व्यक्ति एवं समुदायप्रति निष्पक्ष भई कानुन अनुसार क्रमशः यथासक्य समस्याहरू समाधान गर्न लागी परेको प्रष्ट पारिन् । उनले सरकार समक्ष यथेष्ट बजेटको माग गर्दै जटिल बन्दै गईरहेको आप्रवासी समस्या समाधान गर्न वर्तमान वाईडेन प्रशासनलाई घच्घच्याईरहेको बताइन् । उनले नेपाली समुदाय लगायत स्थानीय समुदायका सेवाग्राहीहरूका समस्या हलगर्न लागिपर्ने बचनबद्दता समेत व्यक्त गरिन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

गिरीजाप्रसाद कोईराला फाउन्डेशन अमेरिका च्याप्टरको नेतृत्वमा गएको नेपाली समुदायको टोलीले अमेरिकामा आप्रवासीहरुले स्थायी वसोवासको अनुमति पाउन अनेकौं सास्ती बेहोरेको र वर्षौंदेखि परिवारसँग छुट्टीएर वस्नुपरेको कारणले मानसिक तनाव बेहोरेको उल्लेख गर्दै जिम्मेबार सांसदको हैसियतले यो समस्या यथाशीघ्र कानुनी रूपमा समाधानको लागि बाटो खोज्न आग्रह गरे । भेटपछि फाउन्डेशनका अध्यक्ष सोमनाथ घिमिरेले नेपालको मौलिक कला र संस्कृति झल्काउने उपहारहरु प्रदान गरेका थिए ।