जम्मुमा मंगलबार बिहान एउटा बस खाडलमा खस्दा सात जनाको मृत्यु भएको छ भने चार जना गम्भीर घाइते भएका छन् । समाचार एजेन्सी एएनआईका अनुसार अमृतसरबाट कटरा जाँदै गरेको बस झज्जर कोटलीको गहिरो खाडलमा खसेको थियो ।
उद्धार र राहत कार्यमा संलग्न एक सीआरपीएफ अधिकारी अशोक चौधरीले एएनआईलाई भने, ‘हामीले बिहान दुर्घटनाको जानकारी पाएपछि तुरुन्तै हाम्रो टोली यहाँ पुग्यो र उद्धार कार्य सुरु गर्यो। शवहरू बाहिर निकालियो। घाइतेहरू अस्पताल लगिएको छ।’ उद्धार कार्य जारी छ। प्रहरी टोली पनि हामीसँगै छ। कटरा जाँदै गरेको बसमा बिहारका मानिसहरू रहेको बताइएको छ।
दुर्घटनामा सामान्य घाइते भएका अन्य १२ जनाको स्थानीय स्वास्थ्यचौकीमा उपचार भइरहेको छ । सोही क्रममा गम्भीर घाइते ४ जनालाई सरकारी मेडिकल कलेज र अस्पताल लगिएको छ ।
के तपाईं हाम्रो सामुदायिक पत्रकारितालाई सहयोग गर्न चाहनुहुन्छ?
अहिले चलिरहेको न्युजम्याच कार्यक्रममार्फत सहयोग गर्दा, तपाईंले दिनुभएको उपहारमा न्युजम्याच कार्यक्रमबाट सोही बराबरको रकम थपेर हामीलाई प्राप्त हुनेछ। यो कार्यक्रममा हामीसहित अमेरिकाका ४२२ वटा मिडिया संस्थाहरू सहभागी छन्। हामीलाई सहयोग गर्न चाहेमा यहाँ क्लिक गर्नुहोस्।
न्युजम्याचले तपाईंले प्रदान गरेको उपहारको १२ गुणासम्म म्याच गरेर दिने विकल्प समेत दिएको छ। उदाहरणका लागि यदि तपाईंले ८० डलर डोनेसन गर्नुभएमा, आईएनएनले हामीलाई ९६० डलर (८० डलरको १२ गुणा) थपेर जम्मा १०४० डलर प्रदान गर्नेछ। तर त्यसका लागि, तपाईंले मासिक डोनेसनको विकल्प छनौट गर्नुपर्छ। कृपया ध्यान दिनुहोस्: मासिक डोनेसनको विकल्प रोजेपछि, तपाईंको खाताबाट हरेक महिना सोही बराबरको रकम काटिनेछ। तपाईंले भविष्यमा कुनै पनि बेला मासिक डोनेसन रद्द गर्न सक्नुहुनेछ।