एकतिहाई अमेरिकनलाई थाहा छैन उनीहरुका हजुरबा हजुरआमाको नाम
प्रकाशित मिति : माघ २१, २०७९ शनिबार
वंशावली वेबसाइट एन्सिस्ट्रीका अनुसार एक तिहाइ अमेरिकीहरूलाई बुबा वा आमातिरका आफ्ना सबै हजुरबा हजुरआमाको नाम थाहा छैन । यसले झण्डै १ सय मिलियन भन्दा बढी मानिसहरूलाई प्रतिनिधित्व गर्दछ।
एक सर्वेक्षणमा त जिजु हजुरआमाको नाम बताउन कसैले पनि सकेनन् । हामीमध्ये धेरैलाई हजुरबा वा जिजु हजुरबाको नाम थाहा भएपनि हजुरआमा वा जिजु हजुरआमाको नाम थाहा नहुनसक्छ । बुबातिरको थाहा भएपनि मावली तिरको थाहा नहुनसक्छ ।
यो आंकडा एन्सिस्ट्री कम्पनीले गरेको सर्वेक्षणबाट आएको हो जसले २ हजार अमेरिकी वयस्कहरूमाझ सर्वेक्षण गरेको थियो । उनीहरूलाई हजुरबा हजुरआमाको पहिलो नाम थाहा छ कि छैन भनेर सोधिएको थियो भने उनीहरूलाई सोंच्न र अरु कसैलाई सोध्न समय हुनेगरी हजुरबा हजुरआमाको बारेमा सोधिने कुनै संकेत दिइएको थिएन ।
आफ्नो वंशावलीबारे अहिलेको पुस्ताका धेरैलाई जानकारी नभएका कारण वा परिवारमा वंशावलीको उचित विवरण नराखिएका कारण उनीहरुलाई यसबारे थाहा नभएको हो । अझ जिवित नभएका हजुरबा हजुरआमाको वा जिजु हजुरबा हजुरआमाको नाम सम्झिन धेरैलाई गाहे हुने गरेको पाइएको छ ।
हिन्दु संस्कृतिमा नेपालमा सोह्र श्राद्धका बेलामा पुर्खाहरुको नाम लिने प्रचलन रहदै आएकोमा यो प्रचलनपनि विस्तारै हराउदै गएको छ । जसले गर्दा ५० बर्ष वा एकसयबर्षभित्र अस्तीत्वमा रहेका आफ्ना पुर्खाको नाम परिवारमा नै याद नहुने अवस्था आएको छ । अबको एकसयबर्षपछि तपाईका नातिनातिना वा पनाती पनातिनाहरुले तपाईको नाम याद गर्लान् ?