यी हुन् २०२२ मा अमेरिकाका सबैभन्दा खराब र सबैभन्दा राम्रा एयरपोर्ट
प्रकाशित मिति : माघ ८, २०७९ आईतबार
ब्यूरो अफ ट्रान्सपोर्टेशन स्ट्याटिस्टिक्सको डेटा प्रयोग गरेर फेमिली डेस्टिनेशन गाइरडका विशेषज्ञहरूले सन् २०२२ मा अमेरिकामा यात्राको लागि सबैभन्दा खराब र राम्रा एयरपोर्टहरूको सूची बनाएका छन् । अध्ययनले मुख्यतया उडानमा ढिलाइ र रद्दसँग जोडिएको तथ्याङ्कलाई हेरेको थियो, जुन यात्रा गर्दा प्रायः चिन्ताको प्राथमिक विषय हो।
उडानमा ढिलाईका हिसाबले फ्लोरिडाको ओर्लान्डो अन्तर्राष्ट्रिय विमानस्थल खराब सुचीमा पहिलो नम्बरमा छ, जहाँ सन् २०२२ मा झण्डै २८ प्रतिशत उडानहरु ढिलो भए । दोश्रो खराबमा न्यु जर्सीको नेवार्क लिबर्टी अन्तर्राष्ट्रिय विमानस्थल रहेको छ, जहाँ सन् २०२२ मा झण्डै २६ प्रतिशत उडानहरु ढिलो भए ।
तेश्रो खराबमा फ्लोरिडाको फोर्ट लाउडरडेल हलिउड अन्तर्राष्ट्रिय एयरपोर्ट रह्यो भने चौथो खराबमा फ्लोरिडाकै टम्पा अन्तर्राष्ट्रिय विमानस्थल रह्यो । पाँचौं खराबमा फ्लोरिडाको मियामी अन्तर्राष्ट्रिय विमानस्थल र छैठौं खराबमा लस भेगासको ह्यारी रीड अन्तर्राष्ट्रिय विमानस्थल रह्यो ।
सातौं खराबमा शिकागो मिडवे अन्तर्राष्ट्रिय विमानस्थल र आठौं खराबमा न्युयोर्कको जोन एफ केनेडी इन्टरनेशनल एयरपोर्ट रह्यो । जेएफकेबाट सन् २०२२ मा २४ प्रतिशत उडानहरु ढिलो भएका थिए । म्यासाचुसेट्सको बोस्टन लोगान अन्तर्राष्ट्रिय विमानस्थल नवौं खराब र बाल्टिमोर वाशिंगटन अन्तर्राष्ट्रिय विमानस्थल दशौं खराबी सुचीमा रह्यो ।
त्यस्तै राम्रा विमानस्थलको सुचीमा पहिलो नम्बरमा साल्ट लेक सिटी इन्टरनेशनल एयरपोर्ट, दोश्रोमा जर्जियाको हार्ट्सफिल्ड ज्याक्सन एटलान्टा अन्तर्राष्ट्रिय विमानस्थल, तेश्रोमा वाशिंगटनको सिएटल टाकोमा अन्तर्राष्ट्रिय विमानस्थल रहे ।
चौथो राम्रोमा फ्लोरिडाको टम्पा अन्तर्राष्ट्रिय विमानस्थल, पाँचौंमा मिनेसोटाको मिनियापोलिस सेन्ट पल अन्तर्राष्ट्रिय विमानस्थल, छैठौंमा
मिशिगनको डेट्रोइट मेट्रोपोलिटन एयरपोर्ट र सातौंमा क्यालिफोर्नियाको सान फ्रान्सिस्को अन्तर्राष्ट्रिय विमानस्थल रहे ।
आठौं राम्रोमा टेक्सासको जर्ज बुश इन्टरकन्टिनेन्टल एयरपोर्ट, नवौंमा नर्थ क्यारोलिनाको शार्लोट डग्लस अन्तर्राष्ट्रिय विमानस्थल र दशौंमा शिकागो ओुहारे अन्तर्राष्ट्रिय विमानस्थल रहन सफल भएका छन् ।