ओहायोमा दम्पती र ५ बच्चा सुतेको बेला चार्जमा रहेको आइफोन ४ विस्फोट
प्रकाशित मिति : माघ ८, २०७९ आईतबार
अमेरिकाको ओहायोमा दम्पती र ५ बच्चा सुतेको बेला चार्जमा रहेको आइफोन ४ विस्फोट भएको छ । श्रीमती जेनिफर र पाँच छोराछोरीसँग बस्ने ब्रायन लेइसगाङले भोलिपल्ट बिहान हेर्दा आईफोन बिष्फोट भएको र आगो लागेको बताएका छन् ।
फोनका साना टुक्राहरू भान्साकोठामा छरिएका थिए । दम्पतीले घरको भिडियो जाँच गर्दा आईफोन पड्केर आगोको ज्वाला निस्केको थियो । संयोगवश आगोले अरु टिप्न नपाई तुरुन्तै निभेको थियो ।
भान्साको भिडियो हेर्दा डर लागेको उनीहरुले बताए । आफ्ना बच्चाहरू रातमा आफ्नो ओछ्यानमा वा उनीहरूको ओछ्यानको छेउमा फोन चार्ज गरेर सुत्ने भएकाले आफु डराएको उनको भनाई छ ।
आगलागी हुनबाट जोगिएकाले आफू धेरै भाग्यशाली अनुभएको भएको उनले बताए । यो घटनाले पुराना आईफोनहरू चार्ज गर्दा सम्भावित खतराहरूलाई दर्शाएको छ । जुन दम्पतीले आफ्ना बच्चाहरूलाई हस्तान्तरण गर्नु अघि कहिल्यै सोचेका थिएनन्।
धेरै वर्षको प्रयोग पछि फोनमा आगोको खतरा हुने भनेर एप्पलबाट कहिल्यै उल्लेख नगरिएको लेइसगाङले बताएका छन् । बच्चाहरूलाई फोन प्रयोग गर्न र चार्ज गर्न दिंदा खतरा हुने कुरा आफ्नो दिमागमा कहिले पनि नआएको उनले बताए ।
पुराना आईफोनहरू विस्फोट हुनु सामान्य नभएपनि क्षतिग्रस्त चार्जरले फोन आगो निम्त्याउन सक्ने मर्मतकर्ताहरु बताउँछन् । आईफोन ४ लगभग १३ वर्ष पुरानो भएको छ । पुराना फोनहरू पुरानो चार्जर प्रयोग गरेर चार्ज गर्दा आगोको जोखिममा हुन सक्छ।
चार्जर बिग्रिएका कारण फोनमा बिजुलीको प्रवाहमा बाधा हुँदा समेत विष्फोट भएको हुनसक्ने प्राविधिकको भनाई छ । यदि तपाइँ पाँच बर्ष भन्दा पुरानो फोन प्रयोग गर्दै हुनुहुन्छ भने मुख्य कम्पोनेन्टहरूको अखण्डता सुनिश्चित गर्न फोन र चार्जर दुबैलाई पेशेवरबाट जाँच गराउनु उत्तम हुने प्राविधिकको सुझाव छ ।
उनीहरुले घटनाको बारेमा एप्पललाई सम्पर्क गरेका थिए । तर एप्पलले सात वर्षपछि ग्राहकहरूले आफ्ना उत्पादनहरू प्रयोग गर्ने अपेक्षा नगर्ने बताएको छ ।तर कैयन परिवारहरूले आफ्ना पुराना आईफोन र आईप्याडहरू बच्चाहरूलाई घरमा प्रयोग गर्नका लागि राख्छन् ।