पाकिस्तानमा खाद्यवस्तुसँगै बिजुली पनि महँगियो, प्रति युनिट ४३ रुपैयाँ तिर्नुपर्ने
प्रकाशित मिति : माघ ७, २०७९ शनिबार
पाकिस्तान यतिबेला आर्थिक संकटको सामना गरिरहेको छ । पाकिस्तानमा मुद्रास्फीति आकाश छोएको छ । जसको असर देशका गरिब जनतालाई परेको छ । एक रिपोर्टका अनुसार अहिले पाकिस्तानमा खाद्यवस्तुसँगै बिजुली पनि महँगो भएको छ ।
पाकिस्तानी पत्रिका द डनको रिपोर्ट अनुसार पाकिस्तानमा बिजुलीको मूल्य बढेको छ । पाकिस्तानको नेशनल इलेक्ट्रिक पावर रेगुलेटरी अथोरिटीले बिजुलीको मूल्य प्रति युनिट ३ रुपैयाँ ३० पैसाले बढाएको छ । यी दरहरू कराँचीमा लागू हुनेछन्। जसका कारण अब उपभोक्ताले प्रति युनिट ४३ रुपैयाँ तिर्नुपर्ने भएको छ । यसबाहेक विभिन्न उपभोक्ता वर्गका लागि प्रतियुनिट १.४९ रुपैयाँदेखि ४.४६ रुपैयाँसम्म महसुल बढाइएको छ ।
राष्ट्रिय विद्युत् नियमन प्राधिकरणले समान महसुल नीतिअन्तर्गत के–इलेक्ट्रिकको महसुल समायोजन गरेको जनाएको छ । देशभरका विद्युत् उपभोक्तालाई संघीय सरकार र यसका नियमावलीअनुसार समान महसुल असुल्ने गरेको छ । त्यस्तै, केईले ४३ रुपैयाँ प्रतियुनिटमा विद्युत् उपलब्ध गराउँदै आएको र सरकारले १८ रुपैयाँ प्रतियुनिटमा अनुदान दिइरहेको विद्युत महाशाखाले जनाएको छ ।
अल अरेबिया पोस्टको रिपोर्टका अनुसार यदि आगामी केही साताभित्र अन्तर्राष्ट्रिय मुद्रा कोष (आईएमएफ) को कार्यक्रम सुचारु भएन भने पाकिस्तानले आर्थिक रूपमा धेरै समस्याको सामना गर्न सक्नेछ। अन्तर्राष्ट्रिय मुद्रा कोष (आईएमएफ) ले आफ्नो २४ औं ऋण ढिलाइ गरिरहेको छ र साउदी अरेबिया र संयुक्त अरब इमिरेट्सले पाकिस्तानलाई चेतावनी दिएका छन् कि उनीहरूले अब निःशुल्क खाना उपलब्ध गराउँदैनन्।