भारतीय प्रधानमन्त्री नरेन्द्र मोदीबाट नेपालमा भएको विमान दुर्घटनाप्रति पीडा व्यक्त
प्रकाशित मिति : माघ १, २०७९ आईतबार
भारतीय प्रधानमन्त्री नरेन्द्र मोदीले नेपालमा भएको विमान दुर्घटनाप्रति दुख व्यक्त गरेका छन् । नेपालमा भएको दुर्घटनामा भारतीयसहितका यात्रुले ज्यान गुमाएकोमा मोदीले दुखव्यक्त गरेका हुन् ।
Pained by the tragic air crash in Nepal in which precious lives have been lost, including Indian nationals. In this hour of grief, my thoughts and prayers are with the bereaved families. @cmprachanda @PM_nepal_
— Narendra Modi (@narendramodi) January 15, 2023
उनले ट्वीटरमार्फत भनेका छन् – ‘नेपालमा भएको दुःखद हवाई दुर्घटनामा भारतीय नागरिकसहितका यात्रुले अमूल्य ज्यान गुमाएकोमा पीडाबोध भएको छ । दुखको यस घडीमा मेरो विचार र प्रार्थना शोकसन्तप्त परिवारसँग छ।’
पोखरामा भएको विमान दुर्घटनाप्रति चीन र संयुक्त राज्य अमेरिकाले पनि दुःख व्यक्त गरेका छन् । काठमाडौँबाट पोखराका लागि आज बिहान उडेको यति एयरलाइन्सको विमान पोखरामा अवतरण गर्नुअघि दुर्घटनामा परेको थियो । विमानमा चालक दलका चार सदस्यसहित ६८ यात्रु सवार थिए ।
नेपालमा रहेको अमेरिकी राजदूतावासले सामाजिक सञ्जालमार्फत उक्त दुःखद दुर्घटना अत्यन्त मर्माहत भएको उल्लेख गर्दै पीडित परिवारप्रति समवेदना व्यक्त गरेको छ ।
यसैगरी चिनियाँ राजदूत छेन सोङले ट्विट गर्दै विमान दुर्घटनाले निकै स्तब्ध भएको उल्लेख गर्दै दुःखद घडीमा नेपाली जनताका साथमा रहेको बताउनुभएको छ । उहाँहरुले विमान दुर्घटनाका मृतकप्रति श्रद्धाञ्जलि व्यक्त गर्दै शोकसन्तप्त परिवारजनमा समवेदना प्रकट गर्नुभएको छ ।