कुकुरले गल्तीले हेयर ड्रायर अन गरेपछि बेलायतको घरमा आगलागी
प्रकाशित मिति : पुस १०, २०७९ आईतबार
क्रिसमसको पूर्वसन्ध्यामा एउटा कुकुरले गल्तीले हेयर ड्रायर अन गरेपछि बेलायतमा घरमा आगलागी भएको छ । धुवाँले भरिएको घरबारे एसेक्सको हक्लेमा टोली बोलाएपछि आफूहरु त्यहाँ गएको एसेक्स फायर सर्भिसले जनाएको छ ।
फायर फाइटरहरूले शयनकक्षमा आगो लागेको पत्ता लगाएपछि आगो निभाउन द्रुत रूपमा काम गरेका थिए । घरमालिक फर्कँदा कुकुर अगाडिको ढोकामा पर्खिरहेको थियो । आगलागी सुरुभएपछि कुकुर अगाडिपट्टीको ढोकामा आएर घर मालिकलाई कुरेकाले बच्न सफल भएको थियो ।
दुबैलाई धुवाँ निलेकोमा उपचार गरिएको थियो ।
A freak accident caused a fire in Hockley today. A dog jumped on a bed and turned a hairdryer on, eventually causing it to catch alight to the mattress.
Once you’ve finished with any electrical appliances please unplug them.
Incident details ➡️ https://t.co/BSDEjBN9pO pic.twitter.com/nmoSyAL3si
— Essex Fire Service (@ECFRS) December 24, 2022
घरको मालिक बाहिर रहेको अवस्थामा आगलागी सुरु भएको र घर धुवाँले भरिएको थाहा पाएपछि घरमा आएको जनाइएको छ । हेयर ड्रायर प्लगमा जोडिएको थियो र ओछ्यानमा छोडिएको थियो। कुकुरले ओछ्यानमा हाम फाल्दा हेयर ड्रायर अन भएको तथा त्यसले ओछ्यान र गद्दामा समातेको अनुमान गरिएको छ ।
एकचोटि हेयर ड्रायर, आइरन जस्ता कुनै पनि विद्युतीय उपकरणहरू प्रयोग गरिसकेपछि तिनीहरूलाई अनप्लग गर्न फायर सर्भिसले सुझाव दिएको छ ।