कतार विश्वकपमा तीनदिनमा २ पत्रकारको मृत्युपछि आशंका र अनुसन्धानको माग
प्रकाशित मिति : मंसिर २६, २०७९ सोमबार
A traditional dhow boat sails in front of Doha’s skyline on November 28, 2022 during the Qatar 2022 World Cup football tournament. (Photo by MIGUEL MEDINA / AFP)
कतार विश्वकपमा तीनदिनभित्र २ जना पत्रकारको मृत्युपछि आशंकाका साथ अनुसन्धानको माग गरिएको छ । एकजनाको मात्र मृत्यु संयोग हुनसक्ने भएतापनि दुई जनाको मृत्यु भइसकेपछि छानबिन आवश्यक रहेको भन्दै अनुसन्धानको माग गरिएको हो ।
शुक्रबार साँझ कतारमा विश्वकप कभर गर्ने पत्रकार ग्रान्ट वाहलको मृत्युले अमेरिकी फुटबल समुदाय स्तब्ध भएको छ। उनलाई अमेरिकामा एक प्रमुख फुटबल पत्रकार मानिन्थ्यो।
उनी कतार विश्वकपमा यौनिक अल्पसंख्यककका मुद्दाहरू र स्टेडियम निर्माणका क्रममा भएका मृत्यु लगायतका विगायमा खुलेर बोलेका थिए। त्यसैले मानिसहरू ४९ बर्षका स्वस्थ्य पत्रकारको अचानक मृत्यु हुनुमा उनलाई सिधै नभई कुनै कुनै तरिकाले हानि पुर्याएको थियो कि भन्नेबारे आशंका गरिरहेका छन् ।
A second journalist dies in Qatar whilst covering the #WorldCup. Photojournalist Khalid al-Misslam from Qatari news channel Al Kass TV passed away on Saturday; a day before that, US soccer journalist Grant Wahl, 48, collapsed at the match between Argentina and the Netherlands. pic.twitter.com/yy7tXdQl8B
— Monica Grayley (@MonicaGrayley) December 11, 2022
उनीमाथि कुनै गलत काम भएको कुनै वास्तविक प्रमाण फेला परेको छैन । उनले आफ्नो आफ्नो पोडकास्ट र आफ्नो सबस्ट्याकमा बिरामी महसुस गरेको र चिकित्सकहरूलाई भेट्ने रिपोर्ट गरेका थिए । तर अब प्रतियोगिता कभर गर्ने अर्का पत्रकारको मृत्युले आशंका फैलिएको छ ।
अर्का पत्रकारको मृत्यु भएको समाचार आइतबार बाहिर आएको थियो । कतारी फोटो पत्रकार खालिद अल मिसलामको सप्ताहन्तमा अचानक निधन भएको जनाइएको छ ।
कतार समाचार आउटलेटले र कतार फिफा विश्वकप २०२२ को कभर गर्ने क्रममा अल मिसलामको अचानक मृत्यु भएको भन्दै उनका लागि अल्लाहको दया र क्षमामा विश्वास गर्ने बताएको छ । साथै परिवारप्रति गहिरो समवेदना प्रकट गरेको छ ।
अल मिस्लाम कतारी न्यूज च्यानल अल कास टिभीमा काम गर्थे र विश्वकप कभर गर्दै थिए। उनको मृत्यु वरपरका परिस्थितिहरू अस्पष्ट छन् । उनी सम्बद्ध टिभी च्यानलले प्रत्यक्ष प्रसारणमा उनको निधनको समाचार संक्षिप्त रूपमा उल्लेख गरेको थियो ।