न्युयोर्क सिटीभित्रको ट्रेन र बसमा भाडा बढाउने तयारी
प्रकाशित मिति : मंसिर २०, २०७९ मंगलबार
न्यूयोर्कको मेट्रोपोलिटन यातायात प्राधिकरण एमटीएले अर्को वर्ष सबवे, बस र कम्युटर रेल लाइनहरूमा ५ दशमलव ५ प्रतिशत भाडा बढाउने देखिएको छ । सन् २०१९ पछि एमटीएले पहिलो पटक यस्तो वृद्धि लागू गरेको छ।
एमटीए अमेरिकाको सबैभन्दा ठूलो मास ट्रान्जिट प्रणाली हो र २०२५ मा ३ बिलियन बजेट घाटाको सामना गर्ने सम्भावना रहेको छ । थप कोष जुटाउन मद्दत गर्न एमटीएले भाडा बढाउने योजना ल्याएको छ ।
सम्भावित भाडा वृद्धिले एकल सबवे वा बस सवारीको २ डलर ७५ सेन्टसको लागतलाई २०२३ मा २ डलर ९० सेन्टस र २०२५ मा ३ डलर ५ सेन्टसमा धकेल्नेछ।
एमटीएले प्रत्येक दुई वर्षमा ४ प्रतिशतले भाडा बढाउदै आएको छ । तर गभर्नर क्याथी होचुलले महामारीको समयमा ती वृद्धिहरू स्थगित गरेकी थिइन् । तर यसको फेब्रुअरीको बैठकमा भाडा वृद्धि स्वीकृत गरिएको छ।
एजेन्सीले बजेट घाटा कम गराउन थप संघीय, राज्य वा सहर कोष खोज्दै गर्दा भाडाबृद्धि हुन लागेको हो । एजेन्सीले पर्याप्त सरकारी कोष प्राप्त गरेमा भाडा वृद्धिबाट बच्न सक्षम हुनसक्ने एमटीए्का प्रमुख कार्यकारी अधिकृत जानो लिबरले बोर्ड बैठक पछि पत्रकारहरूलाई बताएका छन् ।