‘तपाइको घरको नक्सा तपाइसँग हुन्छ कि म सँग ?’ भन्दै अल्फाबिटाका सञ्चालकसँग झोक्किए बालेन (भिडियो)
प्रकाशित मिति : भाद्र ९, २०७९ बिहीबार
विभिन्न व्यापारिक संरचनामा अवैध व्यवसाय नियन्त्रण गर्न आफैँ मैदानमा उत्रिएका काठमाण्डौ महानगरपालिकाका नगर प्रमुख बालेन शाहले संयमता गुमाएका छन् । बिहीबार नयाँ बानेश्वरमा रहेको अल्फाबिटा कम्प्लेक्समा पुगेका बालेन सञ्चालक द्विराज शर्मासँग झोक्किएका हुन् ।
सञ्चालक शर्माले आफूले व्यवसाय गर्न स्वीकृत लिएको बताउँदै गर्दा शाहले आक्रोशित शैलीमा ‘तपाईंको घरको नक्सा मसँग हुनुपर्ने कि तपाईंसँग’ भन्दै सवाल जवाफ गरेका थिए । शाह त्यतिमै रोकिएनन्, ३५ दिने सूचना हातमा बोकेर हिँडेका शाहले चर्को स्वरमा झोक्किन पुगेका थिए । आक्रोषलाई नियन्त्रणबाहिर पुर्याएका बालेनलाई नजिकैबाट तपाई हाम्रो जनप्रतिनिधि भएर किन आवेशमा आउनुहुन्छ भनेका थिए ।
बालेनले भोक्किदैं भने, ‘तपाईको घरको नक्सा म सँग हुनुपर्छ । ३५ दिन भित्र खाली गरे भनेर नोटिस दिएको छैन् ? तपाईको घरको नक्सा म सँग हुन्छ । तपाइको घरको नक्सा तपाइसँग हुन्छ कि म सँग हुने ।’
शाहले व्यापारिक प्रायोजनका बनाइएको भुमीगत संरचना तत्काल खाली गर्ने निर्देशन समेत दिएका छन् । यस्तै महानगरको कर्मचारी, नगर प्रहरी र ट्राफिक प्रहरीको टोलीसहित निस्किएका शाहले बिहीबार मात्रै शंखमूलस्थित एक व्यावसायिक भवनको पार्किङमा बेसमेन्टमा बर्गर हाउस सञ्चालन गरेको पाएपछि त्यहाँ पुगेर हटाउन निर्देशन छन् । त्यहाँपश्चात महानगरप्रहरी र कर्मचारीको टोली बत्तिसपुतलि स्थित मुक्तिनाथ विकास बैंक र आडमा रहेको एक रेष्ट्ररेन्टलाई समेत अवैध संरचना हटाउन निर्देशन दिएको छ ।
बुधबार मात्रै बालेन्द्र शाहले सुन्धारास्थित काठमाडौं मलअगाडि रहेका अवैध संरचना र खिचापोखरी नजिकैको आरबी कम्प्लेक्स पुगेको संचरना पनि भत्काएका छन् । काठमाडौं महानगरपालिकाले अवैध संरचना हटाउने कार्यलाई तीव्रता दिएको छ । अनधिकृत संरचना हटाउन काठमाडौंका मेयर बालेन्द्र शाह स्वंय नै बानेश्वर क्षेत्रमा खटिएका छन् । यसअघि ३५ दिने सूचना निकाल्दा पनि अटेरी गरेपछि मेयर शाहले अवैध संरचना भत्काउने अभियान चलाएका हुन् ।