साहित्यकार तिवारीको कृतिमा आधारित चलचित्र ‘झिङ्गेदाउ’को ट्रेलर सार्वजनिक

नेपाल डेस्क

---

प्रकाशित मिति : श्रावण २२, २०७९ आईतबार

वरिष्ठ साहित्यकार भिमनिधि तिवारीको कृतिमा आधारित चलचित्र ‘झिङ्गेदाउ’ आगामी भदौ १७ गतेदेखि प्रदर्शनमा आउने भएको छ ।

चलचित्रमा पारिवारिक एकताको महत्वका साथै दाजु–भाइका बीच हुने अंशवण्डाबारे सामाजिक विषयवस्तुलाई समावेश गरिएको छ । वरिष्ठ निर्देशक ज्ञानेन्द्र देउजाले निर्देशन गर्नुभएको चलचित्र निर्माण सम्पन्न भएपछि त्यसका केही महत्वपूर्ण अंश आज प्रदर्शन गरिएको हो । यसअघि निर्देशक देउजाले महाकवि लक्ष्मीप्रसाद देवकोटाले लेख्नुभएको ‘मुनामदन’को निर्देशन गर्नुभएको थियो ।

वरिष्ठ छायाँकार विष्णु घिमिरे ‘कल्पित’ले छायाङ्कन गर्नुभएको चलचित्रमा नायिका केकी अधिकारी, आँचल शर्मा, मुकुन भुसाल, कुशल विष्ट, हिउँमाला गौतम, प्रतीक्षा शाह चन्दलगायत कलाकारको मुख्य भूमिका रहेको छ । फिल्म क्र्यु नेपाल र कपनगढी सिनेमा प्रालिको संयुक्त लगानीमा उक्त चलचित्र करिब चार वर्षको समयावधि तथा रु दुई करोडको लागतमा निर्माण भएको हो ।

चलचित्र निर्माता सङ्घका अध्यक्ष आकाश अधिकारीले चलचित्र क्षेत्रलाई राष्ट्रिय तथा अन्तर्राष्ट्रिय तहमा प्रवद्र्धन गर्न मौलिक कथामा आधारित विषयवस्तु छनोट गर्नुपर्ने विचार व्यक्त गर्नुभयो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

वरिष्ठ निर्देशक देउजाले कृतिको भावनाका साथै मर्मलाई प्रतिविम्बित हुने गरी चलचित्र निर्माण गरिएको जानकारी दिनुभयो । नायिका अधिकारी र शर्माले साहित्यकार तिवारीको ऐतिहासिक कृतिमा आधारित भई तत्कालीन सामाजिक परिवेशलाई अभिनयका माध्यमबाट दर्शकसामु ल्याउन पाउनु गौरवको विषय भएको बताउनुभयो । उक्त कार्यक्रममा कलाकारले अभिनयका क्रममा प्राप्त गरेका अनुभवबारे जानकारी गराउनुभएको थियो ।