अपडेट : हराइरहेको जहाज खोजी गर्न पोखराबाट सेनाको हेलिकप्टर उड्यो
प्रकाशित मिति : जेष्ठ १५, २०७९ आईतबार
kf]v/f, !% h]7 M x/fPsf] hxfh vf]hLsf nflu hfg] tof/Ldf g]kfnL ;]gfsf] x]lnsK6/ kf]v/faf6 hf]d;f]dtkm{ hfg] qmddf x/fO/x]sf] tf/f Po/sf] hxfh vf]hLsf nflu kf]v/f ljdfg:ynaf6 ;DefJo :yfgdf hfg] tof/Ldf g]kfnL ;]gfsf] x]lnsK6/ . tl:a/M /flwsf s+8]n÷/f;;
पोखराबाट जोमसोम उडानका क्रममा हराइरहेको तारा एयरको जहाज खोज्नका लागि पोखराबाट नेपाली सेनाको हेलिकप्टर त्यसतर्फ प्रस्थान गरेको छ ।
पोखरा विमानस्थलबाट हेलिकप्टरमा नेपाली सेनाका जर्नेल बाबुराम श्रेष्ठ नेतृत्वको टोली त्यसतर्फ गएको हो । पोखराबाट मुस्ताङको जोमसोमका लागि बिहान ९ बजेर ५५ मिनेटमा उडेको तारा एयरलाइन्सको विमान सम्पर्कविहीन भएसँगै त्यसको खोजीकार्यलाई तीव्र बनाइएको छ ।
यसअघि जहाज खोज्न परिचालन गरिएको फिस्टेल एयरको हेलिकप्टर प्रतिकूल मौसमका कारण जोमसोम फर्किएको थियो ।
हराइरहेको तारा एयरको विमानमा यात्रुहरु इन्द्र बहादुर गोले, पुरुषेत्तम गोले, राजन कुमार गोले, मिक ग्र्याट, बसन्त लामा, गणेश नारायण श्रेष्ठ, रवीना श्रेष्ठ, रस्मी श्रेष्ठ, रोजिना श्रेष्ठ, प्रकाश सुनुवार, मकर बहादुर तामाङ, राममाया तामाङ, सुकुमाया तामाङ, तुल्सादेवी तामाङ, अशोक कुमार त्रिपाठी, धनुष त्रिपाठी, ऋतिका त्रिपाठी, युवी विल्नर र वैभवी बाण्डेकर सवार रहेको बताइएको छ ।
विमान क्याप्टेन प्रभाकर घिमिरेले उडाएका थिए भने सहचालक उत्सव पोखरेल र एयर होस्टेस किस्मी थापा थिइन् ।