अमेरिकी डलरको भाउ उच्च,नेपाली मुद्रा अहिलेसम्मकै कमजोर
प्रकाशित मिति : फाल्गुन २४, २०७८ मंगलबार
नेपाली रुपैयाँ अहिलेसम्मकै कमजोर बनेको छ । अमेरिकी डलरको भाउँ उच्च हुँदा नेपाली रुपैयाँ हालसम्मकै कमजोर देखिएको हो ।
आज मंगलबार नेपाल राष्ट्र बैंकले अमेरिकी डलरको खरिददर १ सय २२ रुपैयाँ ८४ पैसा र बिक्रीदर १ सय २३ रुपैयाँ ४४ पैसा तोकेको छ ।
पछिल्लो समय लगातार अमेरिकी मुद्रा बलियो बन्दै गएको छ । नेपाल राष्ट्र बैंकले अमेरिकी अर्थतन्त्र बलियो बन्दै गएको र पछिल्लो समय रुस-युक्रेन युद्धको असरसमेत डलरको मूल्यमा परेको बताउँछ।
विश्वव्यापी रुपमा पछिल्लो समय डलरको माग उच्च रहेको छ । माग उच्च भएको हुँदा डलरको मूल्य बढेको हो । नेपाली मुद्राको भारतीय रुपैयाँसँग स्थिर विनिमय दर रहने गरेको छ । यसकारण केही समयता डलरको तुलनामा भारतीय रुपैयाँ खस्किँदा नेपाली रुपैयाँको मूल्य समेत कमजोर हुँदै गएको हो ।