बर्लिनको पर्खाल ढलेको ३२ बर्ष, तर अदृश्य पर्खाल भने कायमै
प्रकाशित मिति : आश्विन १७, २०७८ आईतबार
बर्लिनको पर्खाल ढलेको ३२ बर्ष पूरा भएको छ । सन् १९८९ को नोभम्बर ९ मा ढालिएको थियो बर्लिनको पर्खाल । तर पर्खाल ढलेको ३२ वर्ष पूरा हुन लाग्दा पनि मनभित्रको अदृश्य पर्खाल भने अझै कायमै छ । एउटा अदृश्य पर्खालले अहिले पनि जर्मनीलाई विभाजित बनाइरहेको छ ।
३२ बर्ष अगाडि बर्लिनको पर्खाल ढल्दा त्यसको कम्पनले सम्पूर्ण युरोपमा तरंग फैलिएको थियो भने पूर्वी जर्मनीमा आशाको लहर फैलिएको थियो । कम्युनिष्ट जर्मन डोमेक्रेटिक रिपब्लिकले पूर्वी जर्मनीका लागि यात्रा प्रतिबन्ध हटाएको घोषणा गरेको केही मिनेटमा नै बर्लिनको पर्खाल ढालिएको थियो । स्वतन्त्रता र एकताको भावनाले पूरै युरोप तरंगित भएको थियो ।
अहिले पनि पूर्वी र पश्चीम जर्मनीबीच सोंच र दृश्टीकोणमा निकै भिन्नता रहेको छ । अहिले पनि पूर्वी जर्मनीका नागरिकहरुले आफूलाई दोश्रो दर्जाको नागरिक सरह अनुभव गर्छन् । जर्मनीका ५ सय मध्ये जम्मा ३६ ठूला कम्पनीका मुख्यालयहरु पूर्वी जर्मनीमा छन् । सामाजिक अवस्थादेखि जनस्तरसम्म पूर्वी जर्मनीको अवस्था निकै कमजोर रहेको छ ।
सिमेन्ट र इँटाद्धारा बनाइएको पर्खाल ३२ बर्ष अघि भत्काइए पनि जर्मनहरुको मनभित्रको पर्खाल भने उस्तै छ । पूर्वजर्मनीमा लोकतन्त्रको मान्यता थिएन, पश्चिमाहरुको भनाइ अनुसार त्यहाँ कानूनी राज्य थिएन । तर पूर्वजर्मनहरुले भने पर्खाल भत्काइएपछिको आज ३२ बर्ष हुँदासम्म पनि बिभेदको अन्त नभएकाले आफूहरुलाई निराश गराएको बताउँछन् ।
उनीहरुका अनुसार जर्मनी एकता भनियो । तर, एकताको नाममा पर्व जर्मनीका राम्रा पक्षहरु पनि फालियो र पश्चिमका गलत पक्षहरुलाइ पूर्ब जर्मनीमा जबर्जस्ती लादियो ।