अफगानिस्तानमा आइतबारपनि अमेरिकाबाट हवाई हमला जारी
प्रकाशित मिति : भाद्र १३, २०७८ आईतबार
अमेरिकाले अफगानिस्तानमा आईसीसी के बिरुद्ध आइतबारपनि हवाई हमला जारी राखेको छ । संदिग्ध कारबम हमलाकारीबिरुद्ध काबुलभित्र अमेरिकाले हवाई हमला जारी राखेको हो ।
मानवरहित ड्रोनमार्फत अमेरिकाले हवाई हमला जारी राखेको छ । अहिलेसम्म कुनै सर्वसाधारणको ज्यान गएको रिपोर्ट आएको छैन । प्रवक्ता क्याप्टेन बिल अर्बानले आक्रमणकारीको निशानामा सही तरिकाले आक्रमण गरिएको बताएका छन् ।
यसअगाडि आतंकवादबिरुद्धको अपरेशन अन्तरगत अमेरिकाले नाङ्गाहार प्रान्तमा हवाई आक्रमण गरेको थियो । निशानामा पारिएकाहरुलाई हवाई आक्रमणबाट मारिएको र आक्रमणमा सर्वसाधारणको क्षति नभएको प्रवक्ता क्याप्टेन बिल अर्बानले दावी गरेका थिए ।
राष्ट्रपति जो बाइडेनको स्वीकृतिपछि अमेरिकी सेनाले हवाई हमला गरेको हो ।
अफागानिस्तानको विमानस्थलबाहिर भएको आत्मघाती विष्फोटमा १३ जना अमेरिकी सेनासहित कम्तीमा १७० जनाको मृत्यु भएपछि अमेरिकी राष्ट्रपति जो बाइडेनले उक्त आतंकवादी हमलाको बदला लिने घोषणा गरेका थिए । त्यसपछि बाइडेन आईसीसी के योजनाकारबिरुद्धको हवाई आक्रमणका लागि स्वीकृति प्रदान गरेका थिए ।
राष्ट्रपति बाइडेन र उपराष्ट्रपति कमला ह्यारिस समक्ष राष्ट्रिय सुरक्षा टिमले काबुलमा अर्को आतंककारी हमला हुनसक्ने सुचना दिएको छ । अमेरिकी दूतावास काबुलले विमानस्थलको गेट नजिक रहेका अमेरिकीहरुलाई तुरुन्त उक्त क्षेत्र छाड्न चेतावनी दिएको छ । सुरक्षा खतराका कारण विमानस्थलतिर र विमास्थलका गेट नजिक नजान चेतावनी दिइएको हो ।
अफगानिस्तानमा तालिबानले कब्जा गरेपछि अमेरिकालगायतका मुलुकले लगातार उद्धार कार्य गरिरहेका छन् । आत्मघाती हमलापछि उद्दार कार्य अझ तीब्र पारिएको छ ।