बाइडेनबाट म्यानरमा सत्ता कब्जामा संलग्न सैन्य नेतृत्वबिरुद्ध प्रतिबन्धको घोषणा
प्रकाशित मिति : माघ २८, २०७७ बुधबार
अमेरिकी राष्ट्रपति जो बाइडेनले म्यानरमा सत्ता कब्जामा संलग्न सैन्य नेतृत्वबिरुद्ध प्रतिबन्धको घोषणा गरेका छन् । म्यानमारकी नेतृ आङ साङ सु ची र राष्ट्रपति वी मिन्टलाई बन्दी बनाउने र सत्ता कब्जामा संलग्न सैन्य नेतृत्वबिरुद्ध प्रतिबन्धको घोषणा गरेका हुन् ।
सेनाले कब्जा गरेको सत्ता छाड्नुपर्ने र बन्दी बनाएकाहरुलाई रिहा गर्नुपर्ने बाइडेनले बताएका छन् । निर्यातमा नियन्त्रणदेखि अन्य प्रतिबन्धहरु ल्गाउने बाइडेनको भनाई छ । अमेरिकामा रहेको १ बिलियन डलरको म्यानमारको कोषमा समेत सेनापतिहरुलाई पहुँचमा प्रतिबन्ध लगाइएको छ ।
म्यानमारको सैन्य सरकारलाई फाइदा पुग्ने सबै अमेरिकी सम्पत्तिहरु फ्रिज गर्ने तर म्यानरका जनतालाई प्रत्यक्ष फाइदा पुग्ने जनस्वास्थ्य, नागरिक समाज समुहहरु तथा अरु क्षेत्रमा भने सहयोग जारी राख्ने बाइडेनले बताएका छन् । सत्ता कब्जाबिरुद्ध प्रजातान्त्रिक अधिकारको प्रयोग गर्दै भइरहेका प्रदर्शनलाई दबाउन हिंशाको प्रयोग नगर्न समेत बाइडेनले आव्हान गरेका छन् ।
म्यानमारमा सेनाले सत्ताकब्जा गरेर एक वर्षको निम्ति सङ्कटकाल घोषणा गरेको छ । म्यानमारकी नेतृ आङ सान सू ची र अन्य सरकारी उच्च पदस्थहरुलाई त्यहाँको सेनाले पक्राउ गरेको लगत्तै संकटकालको घोषणा गरेको थियो । सेना र नागरिक सरकारबीच उत्पन्न तनावपछि सेनाले उनीहरुलाई हिराशतमा लिएको थियो। सेनाले त्यहाँको चुनावमा धाँधली भएको बताउँदै आएको थियो ।
गत नोभेम्बरमा भएको चुनावमा नेशनल लिग फर डेमोक्रेसीले विजयी भएको घोषणा गरेको थियो । म्यानमारमा सैन्य शासनको अन्त्य भएयताको यो दोश्रो चुनाव थियो । बर्माका रुपमा चिनिने म्यानमारमा सन् २०११ सम्म शैन्य शासन रहेको थियो ।
आङ सान सू ची म्यानरमा प्रजातन्त्रपवादी नेतृका रुपमा परिचित थिइन् । उनले झण्डै २ दशक नजरबन्दमा बिताएकी थिइन् । सन् २०१५ मा उनको पार्टीले भारी जीत हासिल गरेपछि उनी स्टेट काउन्सिलरका रुपमा प्रधानमन्त्री सरहको पदमा रहेकी थिइन् । राष्ट्रपति हुनमा उनलाई रोक लगोपछि संवैधानिक छिद्रको प्रयोग गरेर यो पद श्रृजना गरिएको थियो ।
पछिल्लो समयमा रोहिंग्या मुस्मिल समुदायमाथि नरसंहारको आरोपको कारण उनको अन्तर्राष्ट्रिय स्तरमा आलोचना भइरहको थियो ।