नेपालमा थप ४८८ जनामा कोरोना संक्रमण, १० को मृत्यु
नेपालमा कोरोना महामारी दर्शाउने अतिस महतको स्केच ।
नेपालमा थप ४८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा ४८८ जनामा संक्रमण देखिएको हो । योसँगै नेपालमा कुल कोरोना संक्रमितको संख्या २ लाख ६५ हजार २६८ पुगेको छ ।
पछिल्लो २४ घण्टामा ५२७ जना कोरोना संक्रमणमुक्त भएका छन् । हालसम्म २ लाख ५८ हजार ९६८ संक्रमणमुक्त भएका छन् । यस्तै कोरोनाबाट थप १० जनाको मृत्यु भएको छ । यससँगै नेपालमा कोरोनाबाट ज्यान गुमाउनको संख्या एक हजार ९ सय २७ पुगेको छ ।नेपालमा हाल संक्रिय संक्रमितको संख्या ४ हजार ३७३ रहेको छ ।