अमेरिकामा ६ सय डलरको राहत चेक आज राती नैं बैंक एकाउन्टमा पठाइने
प्रकाशित मिति : पुस १४, २०७७ मंगलबार
अमेरिकामा ६ सय डलरको राहत चेक आज राती नै कैयनको बैंक एकाउन्टमा डिपोजिट हुने ट्रेजरी सेक्रेटरी स्टेभन मन्चिनले जनाएका छन् । आईआरएससँग बैंक एकाउन्ट भएकाहरुमध्ये कैयनका खातामा ६ सय डलरको राहत चेक आज राती नै पठाइने भएको छ ।
.@USTreasury has delivered a payment file to the @FederalReserve for Americans’ Economic Impact Payments. These payments may begin to arrive in some accounts by direct deposit as early as tonight and will continue into next week (1/2)
— Steven Mnuchin (@stevenmnuchin1) December 29, 2020
फेडरल रिजर्भलाई पेमेन्ट फाइल प्रदान गरिएको र आजैराती कैयनको बैंक एकाउन्टमा ६ सय डलर डिपोजिट हुने मन्चिनले ट्वीटमार्फत जानकारी दिएका छन् । बाँकीको खातामा भने आगामी साता पठाइने भएको छ ।
Paper checks will begin to be mailed tomorrow. Later this week, you can check the status of your payment at https://t.co/pFBzGzK8mD. (2/2)
— Steven Mnuchin (@stevenmnuchin1) December 29, 2020
आईआरएससँग बैंक खाता नभएकाहरुलाई पनि बुधबारदेखि नै हुलाकमार्फत चेक पठाउन सुरु गरिने भएको छ । यसै साताको अन्त्यतिर आफूले प्राप्त गर्ने ६ सय डलरको चेकको स्टाटस अनलाइनमार्फत समेत हेर्न सकिने भएको छ ।
पहिलो चरणको राहत चेक सिधा बैंक एकाउन्टमा प्राप्त गरेकाहरुले ६ सय डलरको राहत चेक प्राप्त गर्न कुनै कदम चाल्नुपर्दैन । पहिलो चरणको राहत चेक हुलाकबाट पाएकाहरुलाई पनि अनलाइनमार्फत बैंक एकाउन्ट प्रदान गर्ने अवशर दिइनेछ ।
आइतबार राती ट्रम्पले ६ सय डलरको राहत चेक सहितको यो राहत प्याकेज र खर्च विधयेकमा हस्ताक्षर गरेका हुन् । ट्रम्पले राहत चेक ६ सयबाट २ हजार डलर बनाउनुपर्ने बताउँदै दुबै सदनबाट गतसाता पारित प्याकेज र खर्च विधयेकमा ५ दिनसम्म हस्ताक्षर गरेका थिएनन् ।
झण्डै ५ महिना लामो रस्साकस्सीपछि झण्डै ९ बिलियनको राहत प्याकेज पारित गर्न संसद सफल भएको थियो । ट्रम्पले राहत चेक २ हजार डलर बनाउनुपर्ने बताएपनि रिपब्लिकन सांसदहरु यसमा असहमत भएपछि राहत चेक २ हजार डलर बनाउनका लागि सर्वसम्मतको प्रयास असफल भएको थियो ।
आगामी सेप्टेम्बर अन्त्यसम्म सरकारी खर्च धान्ने खर्च विधयेक र कोरोनाको महामारीका कारण उत्पन्न आर्थिक समस्याको सामना गर्न राहत प्याकेज ५५९३ पृष्ठ लामो छ । कोरोनाको महामारी सुरुभएपछि मार्चमा ल्याइएको राहत प्याकेजपछिको यो सबैभन्दा ठूलो राहत प्याकेज हो ।
राहत प्याकेजमा बयस्क र बालबालिकाहरुका लागि ६ सय डलरको राहत चेकको व्यवस्था गरिएको छ । बार्षिक ७५ हजारभन्दा कम आम्दानी हुनेहरुले यो राहत चेक प्राप्त गर्नेछन् । १२ सय डलरको राहत चेक प्राप्त गरेका अधिकांश यो राहत चेक समेत प्राप्त गर्न योग्य हुनेछन् ।
त्यस्तै बेरोजगारी विमाको अवधि ११ हप्ता थपिएको छ भने महामारीका कारण काम गुमाएकाहरुलाई राज्यले दिने बेरोजगारी विमा रकमका अतिरिक्त साप्ताहिक ३ सय डलर प्रदान गरिने भएको छ । डिसेम्बर २६ पछि सुरु हुने साताबाट आगामी मार्च १४ सम्म अतिरिक्त साप्ताहिक ३ सय डलर प्रदान गरिने प्याकेजमा उल्लेख छ । ट्रम्पले शनिबार बिलमा हस्ताक्षर नगरेका कारण साप्ताहिक ३ सय भने ११ साताको साटो १० सातामात्र प्राप्त हुने देखिएको छ ।
राहत प्याकेजमा साना विजनेशका लागि ऋण प्रदान गर्न ३१९ बिलियन छुट्याइएको छ । जसअन्तरगत पेचेक प्रोटेक्सन कार्यक्रम अन्तरगत ऋणका लागि २८४ बिलियन छुट्याइएको छ । २० बिलियन इकोनोमिक इन्जुरी डिसास्टर लोन अनुदानका लागि छुट्याइएको छ । १५ बिलियन स्वतन्त्र थियटरहरु र सांस्कृति प्रतिष्ठना लगायत लाइभ कार्यक्रमस्थलका लागि छुट्याइएको छ ।
२५ बिलियन भाडा सहायता कार्यक्रम र घरनिकाला हुनबाट जोगाउने कार्यक्रमका लागि छुट्याइएको छ । १३ बिलियन पोषण कार्यक्रमका लागि छुट्याइएको छ । १० बिलियन चाइल्ड केयरसहित ८२ बिलियन डलर शिक्षाका लागि छुट्याइएको छ ।