अमेरिकामा हरेक विहान निशुल्क ‘जीवन विज्ञान योग’, यसरी अनलाइनबाटै सहभागी हुन सकिने

खसोखास अमेरिका ब्यूरो

---

प्रकाशित मिति : मंसिर १७, २०७७ बुधबार

बुधबार विहान अमेरिकामा अनलाइनमा संचालिन जीवन विज्ञान योगकक्षामा सहभागी हुनेहरुको संख्या झण्डै ६० पुग्यो । महामारी सुरु भएयता अमेरिकामा हरेक विहान निशुल्क सिकाइदै आएको योगकक्षामा सहभागीहरुको संख्या एकमहिनाको अवधिमा दोब्बर बढेको हो ।

‘मैले आज योगकक्षा लिन लागेको एकमहिना पुग्यो । एक महिनाको अवधिमा निकै फरक अनुभव भएको छ ।’ – बुधबार अनलाइन योगकक्षा समाप्त भएपछि अन्य सहभागीहरुमाझ आफ्नो अनुभव बाड्दै मेरिल्याण्ड सिल्भर स्प्रीङ निवासी शान्ति शर्माले बताइन् । उनीसँगै अन्य सहभागीहरुले पनि आफ्ना अनुभवहरु बाँडे ।

‘हामीले दिनमा एकडेढ घण्टा आफ्नै लागि समय छुट्याउन सक्दैनौं भने त्यस्तो जीवन निरर्थक हुन्छ । यो जीवन विज्ञान योग प्रयोगशालामा सहभागी हुनेहरुले आफ्नै लागि समय दिएको हो । हामी यो योगशिक्षा अधिकतम व्यक्तिमा बाँड्न चाहन्छौं ।’ नियमित रुपमा टेक्सासबाट प्रशिक्षण दिदै आएकी माला महतले भनिन् ।

टेक्सास निवासी माला महतले नेपालमा रहने जीवन विज्ञानका संस्थापकहरु रमेश नेपाल र एल पि भानु शर्माबाट योगशिक्षा लिएर अमेरिकामा रहेका नेपालीहरुलाई जुममार्फत योग सिकाउँदै आएकी छिन् । सुरुमा थोरैमात्र सहभागी भएपनि अहिले यो अनलाइन योगकक्षामा सहभागी हुनेहरुको संख्या र आकर्षण बढ्दै गएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

अमेरिकाका न्युयोर्क, न्युजर्सी, मेरिल्याण्ड लगायतका विभिन्न राज्यहरुबाट मात्र होइन, युरोपका विभिन्न देशहरुबाट समेत सहभागीहरु आउन थालेका छन् । न्युयोर्क समय अनुशार विहान ७ बजेदेखि ८ बजेसम्म जीवन विज्ञान योगकक्षा संचालन हुँदै आएको छ । जस अन्तरगत टेक्सास समय विहान ६ बजे हुनेगर्छ ।

यो योगकक्षामा सबै उमेर समुहका व्यक्तिले भाग लिन पाउँछन् भने कुनै शुल्क तिर्नु पर्दैन । साथै योगकक्षामा सहभागी हुनका लागि कतै दर्ता गर्नुपनि पर्दैन, सिधै जुमको लिंकमार्फत सहभागी हुन सकिन्छ । योगका लागि कम्तीमा ३ घण्टा खाली पेट भएको हुनुपर्ने भएकाले विहानको समय योगका लागि उत्तम हुने प्रशिक्षक माला महत बताउँछिन् ।

जीवन विज्ञान योगमा शरिरको वाह्य अंग, आन्तरिक अंग र मानसिक स्वास्थ्यलाई सुदृढ बनाउने तरिकाहरु सिकाइदै आएको छ । जिम गर्दा बाह्य अंगहरुको मात्र अभ्यास हुने भएपनि जीवन विज्ञान योगबाट बाह्य र आन्तरिक अंगका साथै मानसिक स्वास्थ्य समेत राम्रो हुने तथा सकारात्मक सोंचको विकाश हुने आफूले अनुभव गरेको सहभागी लोक तिवारीले बताए ।

योग कक्षा आइतबारबाहेक हरेक दिन साताको ६ दिन संचालन भइरहेको छ ।

न्युयोर्क समय अनुशार हरेक विहान ७ बजे जीवन विज्ञान योग प्रयोगशालामा सहभागी हुनका लागि यहाँ क्लीक गर्नुहोला ।

तपाई जुम एप्लीकेशनमा 84351498553 आईडी र पासवर्ड 12345 राखेर पनि योगमा सहभागी हुन सक्नुहुनेछ ।