अमेरिकी सेनामा कार्यरत २३ वर्षीय सुरेश श्रेष्ठको ओक्लाहोमामा दुर्घटनामा निधन

खसोखास अमेरिका ब्यूरो

प्रकाशित मिति : मंसिर ७, २०७७ आईतबार

अमेरिकी सेनामा कार्यरत २३ वर्षीय सुरेश श्रेष्ठको कार दुर्घटनामा मृत्यु भएको छ । अमेरिकी सेनामा विगत ३ बर्षदेखि कार्यरत गोरखाको शहीदलखन गाउँपालिका( ८ छापथोकका श्रेष्ठको ओक्लाहोमामा मृत्यु भएको हो ।

उनी चढेको २०२० टोयोटा कोरोला साउथ अन आई ३५ कारलाई नोबल काउण्टी ओक्लाहोमा राजमार्गमा अर्को गाडीमा ठोक्किएको थियो । उनले गाडीको नियन्त्रण गुमाएपछि दुर्घटना भएको जनाइएको छ । टाउको र शरीर भित्र गम्भीर चोट लागेका उनलाई सेण्ट मेरिज रिजनल मेडिकलमा लगिएको थियो । उनको उपचारका क्रममा निधन भएको जनाइएको छ ।

दुर्घटनापछि पनि श्रेष्ठ झण्डै २५ मिनेटसम्म गाडीभित्रै रहेका थिए । दुर्घटना हिजो विहान भएको जनाइएको छ । उनी अमेरिकाको कन्सासको जङसन सिटीमा मा बस्दै आएका थिए ।

  [jetpack_subscription_form 
    title="खसोखास निशुल्क सब्सक्राइब गर्नुहोस् 🙏"
    subscribe_text="अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू  तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।"
    subscribe_placeholder="इमेल ठेगाना यहाँ प्रविष्ट गर्नुहोस्…"
    subscribe_button="सब्सक्राइब गर्न यहाँ क्लिक गर्नुहोस्"
  ]

श्रेष्ठ विगत पाँच वर्ष अघि अध्ययनका लागि अमेरिका आएका थिए । उनी सैनिक तालिम पूरा गरी तीन वर्षअघि घरमा आएर फर्किएको जनाइएको छ । अविवाहित श्रेष्ठको परिवारमा हजुरआमा, बुबा, आमा, एक दिदी र एउटा भाइ छन्।