प्रहरी हिरासतमा रहेका छोरा भेट्न हिडेका,नेकपा नेता ‘झक्कु सुवेदी’लाई हृदयघात !
प्रकाशित मिति : कार्तिक १८, २०७६ सोमबार
नेकपा नेता तथा पूर्व सांसद झक्कु प्रसाद सुवेदीलाई हृदयघात भएको छ । आज बिहान काठमाडौँबाट दाङ्ग जाने क्रममा नागढुंगा नपुग्दै गाडीमै बेहोस भएपछी उनलाई नर्भिक हस्पिटल लगिएको थियो ।
सरकारद्वारा प्रतिवन्धित नेकपा विप्लवका रोल्पा इन्चार्ज रहेका आफ्ना छोरा सन्तोष सुवेदी ‘प्रयास’लाई प्रहरीले पक्रिएपछि उनलाई भेट्न दाङ जाने क्रममा सुवेदीलाई हृदयघात भएको श्रोतले जनाएको छ ।
नर्भिक पुर्याइएका सुवेदीको डाक्टर जेपी जैसवालले सर्जरी गरेका थिए । सर्जरी पछि सुवेदीको अवस्थामा सुधार भइरहेको पारिवारिक श्रोतले जनाएको छ । सुवेदी नेकपाका केन्द्रिय सम्पर्क मञ्चका सहसंयोजक हुन् ।