नेपालका बाढीपीडितको सहयोगार्थ लण्डनमा योगा

खसोखास अमेरिका ब्यूरो

---

प्रकाशित मिति : श्रावण २७, २०७३ बिहीबार

नेपालाका बाढीपीडितको सहयोगार्थ अगस्त २१ मा लण्डनमा योगगुरु मनोक्रान्तिका सम्बाहक विकाशानन्दको योगा तथा प्रवचन कार्यक्रम हुने भएको छ । स्वास्थ्य जीवन जिउने कला र सकारात्मक उर्जा भर्ने एक अत्यन्त उपयोगी साधन योग साधनाका प्रणेता डाक्टर विकासानन्द नेपालदेखि बेलायतसम्म आउनुभएको मौकाको फाइदा बेलायतवासी नेपाली समुदायलार्इ प्रदान गर्दै योगशिविर राखिएको हो ।

गुरु विकाशानन्दबाट योगा सिक्ने अवसर प्रदान गर्दै बाढीपीडितको सहयोग स्वरुप कार्यक्रम आयोजना गरिएको अन्तरास्ट्रिय नेपाली समाज युकेका संयोजक भोला खनालले बताए । 

अनावस्यक कार्यक्रममा पैसा र समय बर्बाद गर्ने परिपाटी भन्दा जीवनमा ३ घन्टाको समय अत्यन्त उपयोगी हुने र जिवनभर उर्जा दिन सफल हुने दावी छ कार्यक्रम सहयोगी जगन कार्कीको ।

कार्यक्रम मार्फत संकलित प्रति व्यक्ति १० पाउण्डबाट खर्च काटेर बाकी सबै रकम बाढी पीडितको सहयोगका लाथि जाने कार्यक्रम संयोजक हेम गुरुङले बताए । अर्का संयोजक बिरेन्द्र श्रेष्ठले यो कार्यक्रमले १० पाउण्डमा खाना, योग शिक्षा र बाढी पीडितलाई सहयोग पनि हुने भन्दै बढी भन्दा बढी जनसमुदायलाई उपस्थित भएर कार्यक्रम सफल पारिदिनु अनुरोध गरेका छन् । कार्यक्रम फेल्थम कम्युनिटी कलेज हलमा हुने भएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्