Follow @khasokhasmag

पाल्पाली युवाकाे अनौठो चाहना ! (फाेटाे फीचर)


प्रकाशित मिति : फाल्गुन ४, २०७३ बुधबार

शम्भु दंगाल/ मानिसका चाहना पनि थरिथरिका हुन्छन् । नयाँ काम गर्नु मानिसको स्वभाविक गुण भएपनि कतिपयको चाहाना भने अनौठो किसिमको नै हुने गरेको छ । यस्तै मध्येका एक युवा हुन् पाल्पाका सागर पाण्डे ।

पाल्पाको अर्गेली बहुमुखी क्याम्पसमा स्नातक तहमा अध्ययनरत २१ बर्षिय सागर अहिले गाँउ–ठाँउमा सर्प समात्ने मान्छेका रुपमा परिचित छन् ।

१८ बर्षको उमेरमा पहिलो पटक सर्प समातेको बताउने पाण्डेले हालसम्म ३ सय ५९ सर्प समातेको हामीसँगको कुराकानीमा दावी गरेका छन् । धेरैका लागि सर्प समात्नु जोखिमपूर्ण काम भएपनि सागरका लागि भने सामान्य छ । यसरी सर्प समात्ने क्रममा उनलाई १ सय भन्दा धेरै पटक सर्पले टोकेको उनको भनाई छ । तर, अचम्म यतिधेरैपटक सर्पले टोकेपनि उनले कुनै उपचार भने नगराएको दावी गर्छन ।

यस्तो छ सागरको सर्प समात्दाको अनभव
सर्प समात्दाका केही रोचक अनुभूतिहरु छन् सागरसँग । उनले समान्य सर्पदेखि सबैभन्दा खतरनाक मानिने किङ कोब्रासम्म समातेको बताएका छन् । सागरकै शब्दमा यस्ता छन् सर्प समात्दाका रोचक क्षणहरु ।


बहिनीको सुरक्षाका लागि पहिलो सर्प : 
४ बर्षअघि काकाकी छोरी जन्मिएकी थिइन् । काकी र बहिनी बसेको कोठमा सर्प पसिरहेको देखेँ । बहिनी र काकीलाई सर्पले डस्ला भनेर उनीहरुको सुरक्षाका लागि पहिलोपटक सर्प समातेको हुँ । त्यो सर्प झन्डै डेढ मिटर लामो र २ केजी हाराहारीको थियो । सर्प समात्ने बेलामा डर नलागेपनि पछि बाहिर राखिसकेपछि भने डर लागेको थियो । सर्पले आक्रमण गर्न भने खोजको थिएन ।


त्यसपछि गाँउघरमा कतै सर्प देखेँ भने समात्न गइहाल्थे । सर्प जुन अवस्थामा छ, त्यो अवस्था आफुले बिचार गरेरमात्रै समाउने गरेको छु । कुनैबेला प्वालभित्र बसेर बाहिर पुच्छर निकालेको हुन्छ, कहिले प्वालको मुखमा टाउको निकालेर बसेको हुन्छ । सर्पलाई असर नपुग्नेगरी समात्नु कम जोखिम हुन्छ ।

अजिङ्गरदेखि किङ कोब्रासम्म
मैले समान्यदेखि अजिङ्गर र किङ कोब्रासम्मका सर्प समातेको छु । ३ बर्ष अघि झन्डै ८ फिट लामो र ८ कजी हाराहारीको किङ कोब्रा समातेको थिँए । यो सर्प समात्दा सर्पको मुखभित्र ३ वटा औला नै पसेको थियो ।

टोक्न चाँही टोकेन । तर निकै डरलाग्दो थियो । पाल्पाको अर्गौलीमा समातेको थिए । समातेपछि सबै मिलेर त्यो सर्प मारियो । पहिला पहिला समातेका केही सर्प मार्ने गरेपनि अहिले सर्पलाई मार्ने काम बन्द गरेर जोगाउने अभियान शूरु गरेको छु ।

पाल्पा, स्याङ्जा र गुल्मीको संगमस्थल रुरु क्षेत्रनजिक मेरो घर पर्छ । अहिले मैले यी तनि जिल्लामा गएर अनौठो प्रकारका सर्प देखिए वा कसैको घरभित्र पसेका सर्प पनि समात्ने गरेको छु । यस आसपासका स्थानीयहरुले मलाई बोलाउने गरेका छन् ।

सर्पले १ सय पटक टोक्यो
अहिले मलाई एकसय पटक भन्दा बढी सर्पले टोकेको छ, तर मैले कुनै उपचार गराउने गरेको छैन् । सर्पले टोकेपछि एकपटक पनि अस्पताल गएको छैन् । घरेलू उपचार पनि गराएको छैन् । सर्प समात्नका लागि मसँग कुनै उपकरण पनि छैन् । म नाङ्गो हातले नै सर्प समात्ने गर्छु ।

घरमा सबै डराए
मैले यसरी सर्प समात्न थालेपछि शूरुमा परिवारका सदस्यहरु सबै डराए । यस्तो ज्यान जाने काम नगर भनेर धेरै सम्झाए । पछि विज्ञान विषय लिएका दाजुहरु आएर यो राम्रो काम हो भनेर सम्झाउनुभयो । अहिले त सबैजना सकारात्मक हुनुभएको छ । मेरो काम देखेर खुसी हुनुहुन्छ ।

सर्पबाट धेरै कुरा सिकेँ

मैले सर्प समातेपछि केही दिन घरमा ल्याएर राख्ने गरेको छु । सर्पले कसरी खान्छ, के के गर्छ भनेर हेर्ने गरेको छु । सर्पले कसरी फूल पार्छ भन्ने कुरा पनि देखेँ । दुई तीन दिन घरमा राखेर मान्छेभन्दा पर लगेर छोड्ने गरेको छु । कहिले काँही गाँउ ठाँउमा कार्यक्रम हुँदा, महोत्सवहरुमा सर्प प्रर्दशन गरेर सर्पको संरक्षण गर्नका लागि अनुरोध पनि गर्ने गरेको छु ।

जीवनभर सर्प संरक्षण अभियानमा लाग्नेछु
मैले सर्प मार्नुहुँदैन बचाउनुपर्छ, सर्पलाई संरक्षण गर्नुपर्छ भन्ने चेतना जगाउने अभियान शूरु गरिसकेको छु । सर्पले बातावरण र मानिसलाई प्रत्यक्ष अप्रत्यक्ष रुपमा सहयोग गरिरहेको हुन्छ भनेर सन्देश दिने गरेको छु । मेला, उत्सव, कार्यक्रमहरुमा सर्पलाई प्रर्दशन गरेर संरक्षणको लागि आग्रह गर्दै आएको छु ।

सर्पबाट मानिसलाई पुग्ने फाइदाको बारेमा बताएर सर्प संरक्षण अभियानमा सहयोग पु-याउन आग्रह गर्ने गरेको छु ।पछि अवसर पाएँ भने बाताबरणसँग सम्बन्धित संस्थामा काम गरेर सर्प जोगाउने अभियानलाई अगाडि बढाँउछु । राताेपार्टी

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com