जिल्लाको पहिलो रग्बी क्लब चितवन वारीअर्स को सुखद यात्रा सुरु
प्रकाशित मिति : असार १८, २०७६ बुधबार
चितवन । गत हफ्ता लगनखेलस्थित नेपाल आर्मीको तालिम तथा प्रशिक्षण केन्द्रमा शनिबार नेशनल रग्बी च्याम्पियनसिप सम्पन्न भएकोछ । उक्त प्रतियोगितामा धनगढीको बडिमालिका रग्बी क्लब र नेपाल महिला रग्बी क्बल राष्ट्रिय रग्बी च्याम्पियन भएको छ । लगनखेलस्थित नेपाल आर्मीको तालिम तथा प्रशिक्षण केन्द्रमा शनिबार भएको च्याम्पियनसिपमा पुरुषतर्फ ब
डिमालिका र महिलामा नेपाल रग्बी क्लब च्याम्पियन भएका हुन् । पुरुषतर्फको खेलमा बडिमालिकाले फाइनलमा गोर्खाली रग्बी क्लबमाथि १२–१० को स्कोरले हराउँदै उपाधि उचाल्यो । पुरुषतर्फ नै भएको बल च्याम्पियनसिपका लागि भएको प्रतिस्पर्धामा चितवन जिल्लाकै पहिलो रग्बी क्लब चितवन वारीअर्सले सफलता प्राप्त गर्यो ।
महिलातर्फ भएको फाइनलमा नेपाल रग्बी क्लबले बडिमालिका रग्बी क्लबलाई २०–५ को स्कोरले स्तब्ध बनाउँदै ट्रफी उचालेको थियो । महिलातर्फ पनि चितवन वारीअर्सनै बल च्याम्पियन भयो । एकदिने प्रतियोगितामा पुरुषतर्फ गोर्खाली रग्बी क्लब र महिलामा बडिमालिका रग्बी क्लब अनुशासित टोली घोषित भए ।
कुल आठ टोली सहभागी भएको प्रतियोगिता लिगकम नकआउटका आधारमा खेलाइएको नेपाल रग्बी संघका अध्यक्ष टंकलाल घिसिङले जानकारी दिए । प्रतियोगितामा विजेता खेलाडीलाई प्रदेश–३ का सामाजिक विकास मन्त्री युवराज दुलाल, संघका अध्यक्ष टंकलाल घिसिङ र महासचिव चेतनराज गिरीलगायतले पुरस्कृत गरेका थिए।
कम समय अनी सिमित साधन श्रोतका बाबजुत पनि पहिलो प्रतियोगिता नै राष्ट्रिय प्रतियोगिता खेल्नु अनी महिला तथा पुरुष दुबै टिम बल च्याम्पिएन घोषितहुनु चितवन वारीअर्सको लागि एउटा सुखद सुरुवात रहेको क्लबकी संयोजक तथा चितवन रग्बी एसोसिएसनकी तदर्थ समिती संयोजक कामना गिरी बताउछिन ।
उक्त क्लबका टिम म्यानेजर तथा पुरुष तर्फका क्यप्टेन् उत्तम सुबेदीका अनुसार अन्तिम समयमा खेलाडि जुटाउन पनि गार्हो रहेको अवस्थामा कुशल प्रदर्शन गर्न सफल चितवन वारीअर्सले आगामी दिनमा यो भन्दा निकै नै प्रगती गरी जिल्लाको नाम सदैव नयाँ उचाइमा राख्ने छ ।
अष्ट्रेलियामा बसोबासगर्ने युवा ब्यबसाही तथा स्मार्ट राइनो ग्रुप एन्ड द ग्रूमिङ क्यम्पस नेपालका उत्प्रेरक विनोद पौडेल को पहलकदमीमा केहीमहिना अघी मात्र सुरु भएको उक्त क्लब ले अष्ट्रेलियाको एक रग्बी क्लब सँग पनि छिट्टै नै शाहअकार्य गरी खेलाडिहरुलाई क्रस ट्रेनिङ गराउने र रग्बी खेलमा नेपालको नाम बिश्वसामु अझै शसक्त रुपमा चाइनाउने तैयारीमा रहेको क्लब ब्यबस्थापनको भनाइ छ ।
