एसईई रिजल्टपछि खगेन्द्र नवजिवन विशेष शिक्षा माविमा खुशियाली, हात खुट्टा नहुनेले पनि ल्याए ए ग्रेड - KHASOKHAS

एसईई रिजल्टपछि खगेन्द्र नवजिवन विशेष शिक्षा माविमा खुशियाली, हात खुट्टा नहुनेले पनि ल्याए ए ग्रेड

काठमाडौंको जोरपाटी नारायणटारस्थि खगेन्द्र नवजिवन विशेष शिक्षा माध्यमिक विद्यायलका विद्यार्थीहरु पनि उत्साहीत छन् । १२ जना अपाङ्गता भएका विद्यार्थीहरुले उक्त विद्यालयबाट एसईई परिक्षा दिएका थिए ।अपाङ्गता भएकाहरुका लागि निशुल्क रुपमा शिक्षा दिँदै आएको उक्त विद्यायलमा बिहीबार एसईईको नतिजा सार्वजनिक भइसकेपछि खुशियाली छाएको थियो ।

उक्त १२ जना विद्यार्थीमध्येका २१ वर्षीय रमेश र १८ वर्षीय सोनम पनि हुन् । रमेशका दुईवटै खुट्टा छैनन् भने सोनाम  आफैले लेख्न सक्दैनन् । उनीहरु एसईई नतिजाबाट खुसी छन् । चामुण्डा स्कुलबाट परिक्षा दिएका उनीहरुको कम्युटर साइन्स पढ्ने धोको छ । शारिरिक रुपमा अशक्त भएपनि उनीहरु पढाइमा निकै रुचि राख्ने विद्यार्थीभित्र पर्छन् ।

बिहीबार नतिजा सार्वजनिक भएपछि उनीहरुले आफ्नो खुसी विद्यालयका प्रध्यानाध्यापक रागव प्रसाद दवाडी लगायतका शिक्षकहरुसंग साटे । विद्यालयमा परिसरमा प्रध्यानाध्यापक लगायत आफ्ना गुरुहरुसंग सोनम र रमेश खुसी साटिरहँदा खुसी देखिन्थे । रमेश ह्वीलचियर क्रिकेट खेल्न खुब रुचि राख्छन् । आज सार्वजनिक भएको एसईई नतिजामा उनले २.५ जीपीए ल्याएका छन् ।

उनले राष्ट्रिय ह्वीलचियर क्रिकेट प्रतियोगितामा क्रिकेट पनि खेलिसकेका छन् । उनको खेल र पढाइमा भएको प्रगतिले शिक्षकहरु पनि खुसी छन् । यता, सोनाम भने आफैंले लेख्न सक्दैनन् । सहयोगि राखेर परिक्षा दिएका सोनामले ३.२५ जीपीएका साथ उतिर्ण हुन सफल भए ।

‘सोनाम विद्यालयमा हुने परिक्षाहरुमा सधैं प्रथम हुन्थे ।’ प्रधानाध्यापक दवाडिले भने–‘अन्य विद्यार्थीको तुलनामा आफू अशक्त भएर पनि उसले गरेको मेहेनत प्रशंसनिय छ ।’

दुबै हात नभएकी एकजना छात्राले पनि ए ग्रेड ल्याएको प्रधानाध्यापक दवाडिले ले जानकारी दिएका छन् ।

उक्त खुशियालीले दीपेन्द्र ढुंगानाले क्यामेरामा कैद गरेका छन् ।

बिहिबार, असार १२, २०७६ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com