धुर्मुसको रंगशालामा स्थानीयले डोजर चलाइ भत्काएपछि भाबुक हुदै धुर्मुसले दुख पोखे ( भिडियो सहित )
प्रकाशित मिति : जेष्ठ १५, २०७६ बुधबार
धुर्मुस सुन्तली ले निर्माण गर्दै गरेको गौतम बुद्ध अन्तराष्ट्रिय रंगशाला स्थानियले डोजर लगाएर भत्काएका छन् । यसै क्रममा सिताराम कट्टेल धुर्मुसले निकै दुखित हुदै आफुले देखेर पनि केही गर्न नसकेको बताए । यी रसाएका आँखा को मात्र हैन,परदेशमा रगत बगाउने लाखौँ युवाको पसिना हो । डोजरले जस्तापाताको बार हैन हामी नेपालीको मन भत्काउन लगाईएको धुर्मुसले बताए। बुधबार विहान डोजरसहित आएका केही व्यक्तिले जस्तापाताले लगाएको बार भत्काइदिएका हुन् । बार भत्काउने क्रममा उनीहरुले धुर्मस–सुन्तली फाउण्डेशनका कर्मचारीहरुलाई धम्कीसमेत दिएका थिए ।
धुर्मुसले दुखि हुदै आफुले बनाउदै गरेको रंगशालाको बार भत्काइदिएको बताएका छन्। रंगसालाको झण्डै एक किलोमिटर जति लामो बार भत्काइएको थियो।केहि अराजक तत्वका कारण आफ्नै आखा अगाडी रंगशाला निर्माण स्थलमा भएको घटनालाई निकै दुखदायी र कारुणिक घटनाको संज्ञा दिएका छन्। आफुले देशका लागि काम गर्दै रहदा यस अघि पनि बस्ति निर्माणका क्रममा यस्ता दुखादाई घटना र धम्की जस्ता समस्या झेल्दै आएको भन्ने उनले बताए। आबस्यक परे सामान्य कुरामा आपसी कुरा बाट सुल्झाउन सकिने हुदा हुदै डेढ सय जना जति स्थानिय मिलेर डोजर चलाइदिएको भन्ने दुख धुर्मुस ले पोखेका छन्। विदेशबाट दुख गरेर नेपाली दाजुभाइ कमाएर पठाएको पैसालाई पानिमा खन्याउने काम भएको भन्दै धुर्मुसले निकै भाबुक हुदै दुख पोखे।
उनीहरुले रंगशाला निर्माणको लागि लगाइएको जस्ताको बार मात्रै नभई कृषि तथा वनविज्ञान विश्वविद्यालयले लगाएको तारको जालीसमेत भत्काएका छन् । त्यस वरपरका रुखहरू ढलाएका छन् । ती व्यक्तिहरुले झण्डै एक किलोमिटर जति बार भत्काएपछि प्रहरी घटनास्थलमा पुगेको थियो । साइटकै सुरक्षामा खटिएका दुई जना प्रहरीले खिचेको फोटो समेत डिलिट गर्न उनीहरुले धम्की दिएका थिए ।घटनामा संलग्न भएको आशंकामा १६ जना पक्राउ परेका छन् ।