Follow @khasokhasmag

एनआरएनए अमेरिका न्यूयोर्क च्याप्टर अध्यक्ष अधिकारी भारीमतले बिजयी


प्रकाशित मिति : जेष्ठ ६, २०७६ सोमबार

एनआरएनए अमेरिका न्यूयोर्क च्याप्टर अध्यक्षमा रामहरी अधिकारी दोश्रो कार्यकालका लागि भारीमतका साथ बिजयी भएका छन् । अध्यक्ष अधिकारी नौ सय ३५ मत ल्याएर बिजयी भएका हुन् । उनका प्रतिस्पर्धी बिष्णु रानामगरले सात सय ९३ मत ल्याएका छन् । यसैगरी उपाध्यक्षमा आठ सय ८८ मत ल्याएर शिवबहादुर बानिया बिजयी भएका छन्, उनका प्रतिस्पर्धी बेगम पण्डितले सात सय ८८ मत ल्याएका छन् । अध्यक्ष पदका प्रत्यासी रानामगर २०१७ २०१९ को कार्यकालमा उपाध्यक्ष थिए ।

सचिवमा आठ सय ५९ मत ल्याएर महेश खड्का बिजयी भएका छन्, भने उनका प्रतिस्पर्धी मिलनकुमार शाहीले आठ सय ४७ मत ल्याएका थिए । सचिव पदका शाही १२ मतको झिनो अन्तरले चुनावमा हार बेर्होनु पर्यो । सचिव निर्वाचित खड्का २०१७ २०१९ को कार्यकालमा समेत सचिव थिए ।

यस्तै कोषाध्यक्षमा शोभाकान्त पाण्डेले चुनाव जितेका छन्, उनका प्रतिस्पर्धी अग्नि राई थिए । यस्तै महिला संयोजकमा राज्यलक्ष्मी कर्माचार्य निर्विरोध निर्वाचित भएकी छन् । भने युवा संयोजकमा बिजय गुरुङले चुनाव जितेका छन्, उनको प्रतिस्पर्धीमा प्रेमकुमार राई थिए ।

यस्तै बोर्ड सदस्यमा अनुजंग थापामगर, रिमाया नेपाली, चुन्डि शेर्पा, अरुन क्षेत्री एनसरी गुरुङ बिजयी भएका छन् । रविकुमार गौतम, धनबहादुर खत्री, पुन्यवती रम्तेल, रन्जित गौली, भिमसेन कँडेलले बोर्ड सदस्यमा हार बेर्होनु पर्यो ।

अध्यक्षमा निर्वाचित अधिकारीले दोश्रो कार्यकालका लागि अत्याधिकमतका साथ बिजयी गराउने मतदाताहरुलाई धन्यवाद दिँदै आफुले अगाडि सारेका योजनाहरु पुरा गर्ने प्रतिवद्धता व्यक्त गरेका छन् । सबै संघ सस्थासंग सहकार्य गर्दै एनआरएनका बाँकी मुद्धाहरुमा समेत सहकार्य गर्ने योजना रहेको सुनाए ।

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com