Follow @khasokhasmag

‘ट्रम्पले हिलारीलाई हराउँदा ओबामा अत्यधिक दुःखी र बेचैन भएका थिए’


प्रकाशित मिति : बैशाख २२, २०७६ आईतबार

अमेरिकी वर्तमान राष्ट्रपति डोनल्ड ट्रम्पसँग हिलारी क्लिंटन हार्दा पूर्व राष्ट्रपति बराक ओबामा अत्यधिक दुःखी र बेचैन भएको अर्को हप्ता सार्वजनिक हुने एक किताबको नयाँ अध्यायमा बताइएको छ ।

न्यूयोर्क टाइम्सका संवाददाता  पिटर बेकरद्वारा लिखित किताब ‘ओबामाः द कल अफ हिष्ट्रि’ को नयाँ अध्यायमा उनले आफ्नो उत्तराधिकारीबारे प्रश्न चिन्ह खडा गर्दै क्लिंटनको साटो ट्रम्पलाई जिताउने मतदातालाई व्यक्तिगत रुपमा अपमानित गरेको बताएका छन् । राष्ट्रपतीय चुनावका बेला ओबामाले हिलारी क्लिंटनको समर्थनमा अत्यधिक अभियान गरेका थिए ।

‘अत्यधिक पीडा’ चुनावको केही हप्तापछि ओबामाले ओभल मिटिङका बेला आफ्ना कर्मचारीलाई भने, न्यूयोर्क पोष्टका डेभिड रेम्निकलाई स्रोतले बतायो । ‘यो साँच्चै नै पीडादायी छ ।’

बेकरले भने, ‘ओबामालाई ट्रम्पमाथि निकै शंका थियो । जनताले अत्यधिक अनुभवी हिलारी क्लिंटनलाई हराएर ट्रम्पलाई किन जिताए भनेर रहस्यमयी तरिकाले हेरेका थिए ।’

ओबामाले आफ्नो किताबमा क्लिंटन आफै र उनको चुनावी अभियानका कारण उनले हार व्यवहोर्नु परेको बताएका थिए ।

‘ओबामा र उनको समूहले यसका लागि सम्पूर्ण दोष हिलारीलाई नै दिएका छन्,’ बेकरले उक्त किताबमा लेखेका छन् । ‘ओबामाले ८ वर्षअघि आफ्नो चुनावी अभियानमा जुन नीति अपनाएका थिए ट्रम्पले पनि त्यही नीति अनुसरण गरे । उनले हिलारीलाई यथास्थितीवादको रुपमा उभ्याइदिए । हिलारीले थुप्रै समस्या आफैंले निम्त्याएकी थिइन् ।’

‘ओबामा चुनाव हुने दिन एउटा आशासहित उठे । उनी एउटा कुरामा ढुक्क थिए कि आफ्नो सत्तालाई डोनल्ड ट्रम्पको हातमा सुम्पिनु पर्दैन,’ बेकरले लेखे । ‘ओबामाले ट्रम्पलाई एक रियालिटी टिभी स्टारको रुपमा मात्र हेरेका थिए । अमेरिकी जनताले उनलाई छान्ने कुरा सपनामा पनि सोचेका थिएनन् ।’

चुनाव भएको बेलुका, जब समस्या देखिन थाल्यो तब ओबामा ह्वाइट हाउसको थिएटरमा फिल्म हेरेर बसे ।

पूर्व फर्स्ट लेडी मिशेल ओबामाको संस्मरणका अनुसार उनले भने, ‘हँ, फ्लोरिडाको नतिजा निकै अचम्मको देखिएको छ ।’

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com