पूर्व प्रधानमन्त्री नेपाल न्युयोर्कमा, जेएफके बिमानस्थलमा स्वागत
प्रकाशित मिति : बैशाख १७, २०७६ मंगलबार
पूर्व प्रधानमन्त्री तथा नेपाल कम्युनिष्ट पार्टीका बरिष्ठ नेता माधवकुमार नेपाल न्युयोर्क आइपुग्नु भएको छ । आज विहान ९ बजे नेता नेपाल जोन अफ केनेडी अन्तर्राष्ट्रिय विमानस्थल आइपुग्नुभएको हो ।
नेता नेपालको स्वागत गर्न राष्ट्रसंघका लागि नेपाली नियोग प्रमुख अमृत राई, महाबाणिज्यदूत पुष्प भट्टराई, प्रवासी नेपाली मञ्च अमेरिकामा महासचिव राधाकृष्ण देउजा, पर्यटनदूत प्रदीप श्रेष्ठ लगायत नेता नेपालका समर्थक शुभचिन्तकहरु विमानस्थलमा पुगेका थिए । नेता नेपाल आजै कोलोराडो जानुहुने जनाइएको छ । पार्टीको बैठक लगायत अन्य कारणले नेता नेपालको अमेरिका बसाई अत्यन्तै छोटो रहने जनाइएको छ ।
कोलोराडो जाने क्रममा न्युयोर्कको जोन एफ केनडी विमानस्थलमा अलिक लामो ट्रान्जिट रहेकोले केहि घण्टा वाहिर निस्किएर भेटघाट कार्यक्रम तय गरिएको थियो । नेता नेपालको अमेरिकाको बसाई जम्मा तीनदिनको रहने जनाइएको छ । उहाँ बिहिबार नेपाल फर्कने कार्यक्रम छ ।
