Follow @khasokhasmag

ट्रम्पबिरोधीलाई रोकियो अमेरिका छिर्न


प्रकाशित मिति : माघ ११, २०७३ मंगलबार

अमेरिकी राष्ट्रपति ट्रम्पको समर्थन नगरेकाहरुलाई अमेरिका छिर्न नदिएर फिर्ता पठाइएको छ । कानुनी रुपमा अमेरिका छिर्ने क्रममा पोर्ट अफ इन्ट्रीका अधिकारीहरुले ट्रम्पविरोधी रहेको वा समर्थक रहेको भन्ने प्रश्न गर्दै ट्रम्पविरोधीहरुलाई अमेरिका छिर्न नदिएर फिर्ता पठाइदिएको सीबीसी समाचारले जनाएको छ ।

राजनीतिक आस्थाका आधारमा अमेरिका छिर्नबाट रोकिएकोमा अधिकारकर्मीहरुले आपत्ति जनाएका छन् । क्यानडाको मोन्टरियलमा अध्ययन।त विद्यार्थी जोसेफ डेकुन्हालाई अधिकारीहरुले ट्रम्पको विरोधी वा समर्थक के हो भन्दै प्रश्न गरेका थिए । दुईजना अमेरिकनको साथमा आउँदै गरेका उनी ट्रम्पबिरोधी रहेको थाहा पाएपछि अमेरिकी अधिकारीहरुले औंठाछाप र तस्विर लिएर उनलाई अमेरिका छिर्न नदिई फिर्ता पठाएका थिए ।

उनले यसअघि आफूलाई कहिलेपनि अमेरिकाछिर्नबाट नरोकिएको र आफूसँग कुनै आपराधिक रेकर्ड पनि नरहेको स्पष्ट पारेका छन् ।

मोन्टरियलकै सासा डायकलाई पनि अधिकारीहरुले ट्रम्पविरोधी रहेको थाहा पाएपछि अमेरिका छिर्नबाट रोकेका छन् । उनलाई अधिकारीहरुले गिरफ्तार गर्ने चेतावनी समेत दिएको गार्डियनलाई बताएकी छिन् । बेलायती नागरिक जो क्रोसेलाई पनि अधिकारीहरुले अमेरिका छिर्नबाट रोकेका छन् । २३ बर्षका जोलाई औंठाछाप र तस्विर लिएपछि अमेरिका छिर्नबाट रोकिएको थियो ।

अध्यागमनका अधिकारीहरुले उनको फोन र मेसेजहरु चेक गरेर ट्रम्पविरोधी रहेको थाहा पाएपछि अमेरिका प्रवेश गर्नबाट रोकेका थिए । अधिकारीहरुले गाडी समेत चेक गर्दै चालक मुस्लिम रहे नरहेको र अरबिक बोल्ने नबोल्ने समेत चेक गरेको जोले जनाएका छन् । क्यानडा, फ्रान्स र बेलायतका नागरिकलाई अमेरिका प्रवेश गर्न भिसा लिनु नपर्ने नियम रहेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com