तेरियाले जितिन झलक दिखला जा डान्स उपाधि


प्रकाशित मिति : माघ ७, २०७३ शुक्रबार

रुपन्देही रुद्रपुरकी किशोरी तेरिया फौजा मगरले भारतीय टिभी कलर्सको ‘झलक दिखला जा’ को रियालीटी शो को उपाधि हात पारेकी छिन् ।
शनिबार प्रशारणका लागि आज भएको फाइनलमा नृत्यसंगै एसएमएस भोटबाट तेरियालाई विजेता छानिएको बागेश्वरी संगितालय , बुटवलका निर्देशक सुरेश सेन्चुरीले जानकारी गराउनुभएको छ । एसएमएसमा सबै प्रतिश्पर्धीलाई पछि पार्दै तेरियाले ट्रफी हात पारेकि हुन् ।
तेरीयाका हजुरबुवा कृष्ण फौजा मगरले बुटवलमा पत्रकार सम्मेलन गरेर तेरियालाई जिताउन आह्वान गर्नुभएको थियो । कृष्ण फौजा मगर तेरिया मगर फाउण्डेशनका अध्यक्ष हुन् । हजुरबुवा मगरले नै तेरियालाई तीन वर्षअघिसम्म ४५ किलोमिटर टाढा रुद्रपुरबाट बुटवलमा दिनहु नृत्य सिकाउन ल्याउने गरेको निर्देशक सेन्चुरीले स्मरण गर्नुभयो ।

तेरियाको जित प्रति प्रतिक्रिया दिंदै निर्देशक सेन्चुरीले तेरिया भाग्यशाली र बहुप्रतिभाशाली दुबै गुणले युक्त भएकै कारण जित हासिल गरेको बताउनुभयो ।

डान्स प्रतियोगिता विजेताहरु बीच प्रतिश्पर्धा गराउने ‘झलक दिखला जा’ भारतीय टिभी शोमा सर्वाधिक पुरस्कार राशीको प्रतियोगिता हो । उपाधीसंगै तेरियाले ३० लाख भारतीय रुपैयां र कार पाउनेछिन् । सन् २०१४ को जी टिभिको ‘डिआइडीमा’ पनि तेरियाले उपाधी हात पारेकि थिईन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com