केटो मभन्दा बढी उमेरकै राम्रो

प्रकाशित मिति : माघ ५, २०७३ बुधबार

हास्यकलाकारिता क्षेत्रमा चर्चित दीपाश्री निरौला ४२ वर्ष पुगिन् । उनले २५ वर्ष कलाकारिता क्षेत्रमा बिताइसकिन् । अभिनयबाट नाम र दाम कमाइसकेकी उनले घर बसाउन अझै बाँकी नै छ । उनको रोजाइमा कस्ता केटा पर्छन् त ? उनले गज्जबका महेश तिमल्सिनासँग आफ्नो रोजाइ यसरी सुनाइन्ः

मेरो करिअरलाई माया गर्ने हुनुपर्छ
पहिला–पहिला त हेर्दा चिटिक्क परेको हेन्डसम अनि मलाई माया गर्ने केटा भए हुन्थ्यो भन्ने सोच्थे । तर, अहिले मलाई मात्र होइन, मेरो करिअरलाई पनि माया गर्ने केटा होस् भन्ने चाहन्छु । १० वर्षकै उमेरदेखि करिअर नै मेरो पूजा हो भनेर लागिरहेकी छु । त्यसैले मेरो करिअरलाई माया नगर्ने केटा मलाई स्विटेबल हुँदैन ।

गहुँगोरो केटा मनपर्छ
जोकोहीलाई पनि पहिलोपटक झट्ट हेर्दा आकर्षित गर्ने भनेको उसको अनुहारले नै हो । तर, मान्छेको अनुहार हेर्दैमा सबै कुरा थाहा हुँदैन । ऊसँग संगत गरेपछि मात्र उसको भित्री कुरा थाहा हुन्छ । त्यसैले व्यावहारिक, अनि नारीलाई सम्मान गर्ने केटा हुनुपर्‍यो । अनुहारचाहिँ गहुँगोरो वर्णको मनपर्छ ।

पेसा जुनसुकै भए पनि ठीक
डाक्टर, इन्जिनियर, कलाकार अथवा कुनै व्यवसायी होस् भन्ने मेरो अपेक्षा छैन । जुनसुकै पेसामा संलग्न भए पनि मैले गरेको काममा हौसला थप्ने, सहयोग गर्ने र मेरो कामलाई सम्मान गर्ने हुनुपर्छ ।

पैसा होइन खुबी हुनुपर्छ
म त्यति धेरै खर्चालु छैन । त्यस्तो खर्चै नगर्ने पनि होइन । मेरो आवश्यकता पूर्ति त गर्नु परिहाल्यो नि । तर, त्यस्तो धेरै पैसा भएको केटा होस् भन्ने मेरो चाहना छैन । अलिअलि पैसा भए हुन्छ । फेरि म अरूको आसमा बस्ने मान्छे होइन । मुख्य कुरा मान्छेसँग पैसाभन्दा सिर्जनात्मक काम गर्न सक्ने खुबी चाहिन्छ ।

मेरै बराबरको उचाइ हुनुपर्‍यो
मलाई मभन्दा अग्लो केटा मन पर्दैन र होचो पनि । म सरहको उचाइ भएको केटा मनपर्छ । अरूले हेर्दा पनि ओहो ! कति सुहाउँदो जोडी भनेर लोभ गरून् न ।

उमेर मेरोभन्दा बढी भए राम्रो
हुन त मेरो पनि उमेर त बढी नै भइसक्यो । अब पनि आफ्नोभन्दा बढी उमेरको केटा चाहिन्छ भन्दा बूढो केटो पो रोजी भन्लान् । तर, धेरै सम्बन्ध उमेरकै कारणले त्यति राम्रो हुन सकेका छैनन् । सम्बन्धविच्छेदको एउटा कारक उमेर पनि हो जस्तो लाग्छ । मलाई आफूभन्दा कम उमेरको केटा भाइजस्तो लाग्छ, त्यसैले मभन्दा बढी उमेरको केटा नै रुचाउँछु ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com