Follow @khasokhasmag

विश्वमै असुरक्षित र खराब बिमानको सुचीमा नेपाल एयरलाइन्स


प्रकाशित मिति : पुस २५, २०७३ सोमबार

विश्वका विमानहरुको बारेमा गरिएको एक सर्वेक्षणले नेपाल बायु सेवा निगमको विमानलाई विश्वकै असुरक्षित र खराब बिमानको सुचीमा राखेको छ । विश्वका विमानको लेखाजोखा राख्दै र सर्वेक्षण गर्दै आएको एयरलाइन्सरेटिङ कम्पनीले नेपाल एयरलाइन्सलाई विश्वका असुरक्षित र खराब विमानको सुचीमा राखेको छ ।

विश्वका ४२५ वटा एयरलाइन्सहरुमध्ये सबैभन्दा खराबको सुचीमा १० वटा एयरलाइन्सलाई राखिएको छ । जसमा नेपाल लगायत इन्डोनेशिया, अफगानिस्तान र सुरिनामका विमानहरु रहेका छन् । यी देशका विमानहरुले ७ स्टारमा जम्मा एकस्टार प्राप्त गरेका छन् ।

सर्वेक्षणमा विश्वका २० वटा विमानहरुलाई सबैभन्दा सुरक्षित र राम्रा विमानको सुचीमा राखिएको छ । विश्वका २० वटा सुरक्षित र राम्रा विमानको सुचीमा एयर न्युजिल्याण्ड, अलास्का एयरलाइन्स, अल निपोन एयरवेज, ब्रिटिस एयरवेज, क्याथे प्यासेफिक एयरवेज, डेल्टा, इतिहाट, इभीए एयर, फिनएयर, हवाइयनएयर, जापान एयरलाइन्स, केएलएम, लुफथान्सा, स्क्यान्डिनाभियन, सिंगापुर एयरलाइन्स, स्वीस, युनाइटेड एयरलाइन्स, भर्जिन एटलान्टिक र भर्जिन अष्ट्रेलिया रहेका छन् ।

विस्तृत सुची हेर्न यहाँ क्लिक गर्नुहोला

सन् २०१७ का लागि एयरलाइन्स अफ द इयरको अवार्ड एयर न्युजिल्याण्डले पाएको छ भने बेष्ट बिजनेश क्लास भर्जिन अष्ट्रेलियाले । बेष्ट इकोनोमी सिंगापुर एयरलाइन्सले र बेष्ट फस्ट क्लास इतिहाट एयरवेजले पाएको छ । विमानभित्र राम्रो मनारञ्जनको व्यवस्था गरेकोमा त्यो अवार्ड इमिरेट्सले प्राप्त गरेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com