मधेश अलग गर्ने भारतीय षड्यन्त्र भीम रावलले पत्ता लगाए (विस्तृत विवरण)

प्रकाशित मिति : पुस २४, २०७३ आईतबार

देशभित्र संविधान संशोधन प्रस्तावमाथि सत्तापक्ष र प्रतिपक्षबीच चर्को विवाद भइरहेका बेला भारतलको पटनामा भारतीय खुफिया एजेन्सी रअको पहलमा मधेशमा सशस्त्र संघर्ष गरेर मधेश टुक्राउने योजना बनेको प्रमुख प्रतिपक्षी दलले पत्ता लगाएको छ  । गत हप्ता राष्ट्रपति विद्यादेवी भण्डारीले बोलाएको सर्वदलीय बैठकमा एमाले उपाध्यक्ष भीम रावलले गम्भीरतापूर्वक मधेशमा सशस्त्र संघर्ष गर्ने पटना बैठकको सविस्तार जानकारी गराएका थिए ।
संसदमा प्रतिनिधित्व गर्ने प्रमुख ५ वटा दलका दुई दुई जना नेताहरु सहभागी बैठकमा रावलले भने केही दिन अघि भारतको पटनामा तराईमा सक्रिय सबै सशस्त्र समूह र मधेशवादी भनिने दलका प्रतिनिधिहरु तथा भारतीय खुफिया एजेन्सी रअका अधिकारीको उपस्थितिमा एउटा बैठक भएको छ । त्यो बैठकले आगामी ०७४ जेठ देखि तराईमा सशस्त्र संघर्ष गर्ने र मधेशलाई अलग गर्ने उद्धेश्य राखेको बुझिएको छ ।

स्रोतका अनुसार रावलको ब्रिफिङपछि अरु के के तथ्य छन् भन्दै माओवादी नेता नारायणकाजी श्रेष्ठले सोधेका थिए । जबाफमा रावलले विस्तृत सूचना आउने क्रम जारी छ । मुख्यत सरकारले आफ्नो संयन्त्रमार्फत यस कुराको अनुसन्धान गरेर मुख्य दलहरुलाई जानकारी गराउनु पर्ने कतव्र्य हुन आउंछ भन्दै प्रधानमन्त्री पुष्पकमल दाहाल प्रचण्ड तर्फ प्रश्न गरेका थिए ।

रावलले राष्ट्रपतिको उपस्थितिमा मुख्य दलका मुख्य नेताहरु भएको बैठकमा गम्भीरतापूर्वक त्यो देशविरोधी षडयन्त्रको कुरा गरिरहंदा पनि सत्तापक्ष भने गम्भीर देखिएन स्रोतले भन्यो । रावल बोलिसकेपछि प्रधानमन्त्री दाहालले पनि रावललाई डिटेल के के जानकारी छ दिनुहोला नि सम्म भनेको स्रोतले एबीसीसंग बतायो ।

प्रमुख प्रतिपक्षी दल एमालेसहितका दलले आयोजना गरेको सभामा पनि एमाले अध्यक्ष केपी ओलीले जुवाको खालमा तासको खेल हुन्छ तर हारजीत सम्पत्तिको हुन्छ, कसैले तास लिएर त जांदैन नि भन्दै संविधान संशोधन प्रस्ताव पारित भएमा मधेश हारिन सक्ने चेतावनी दिएका थिए ।

एमालेले बुंदागत रुपमा अहिले संसदमा टेबुल हुन समेत नसकेको संविधान संशोधन प्रस्ताव राष्ट्रघाती भएको बताइरहेको छ । त्यतिमात्र होइन कुनैबेला राष्ट्रवादको नाममा खाल्डा खन्ने नेता प्रधानमन्त्री भएका बेलामा राष्ट्रघाती कलंक नबोक्न समेत एमाले अध्यक्ष ओलीले चेतावनी दिइरहेका छन् ।

संशोधन प्रस्तावप्रति मधेशवादी दलहरुको रबैया, भारतीय चाहना र देशभित्र उत्पन्न गन्जागोल स्थितिले देशविरोधी षडयन्त्रको गन्ध सर्वत्र महसुस हुनथालेका व्यापक चर्चा छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com