Follow @khasokhasmag

संशोधन विधेयक प्रकृयामा लैजाने सरकार–मोर्चाको निर्णय


प्रकाशित मिति : पुस २१, २०७३ बिहीबार

सत्तारुढ दल र मधेसी मोर्चँबीच पुस २४ गते बस्ने संसद् बैठकमा संविधान संशोधन विधेयक प्रस्तावलाई प्रक्रियामा लैजाने सहमति भएको छ ।
प्रधानमन्त्री निवास बालुवाटारमा बिहिबार बसेको बैठकले २४ गतेको बैठकममा पेश हुने विधेयक पारित गर्न पहल गर्ने निर्णय समेत गरेको छ ।

प्रमुख प्रतिपक्षी दल नेकपा एमालेलाई संविधान संशोधन विधेयक पारित गर्न आह्वान गर्ने समेत बैठकले निर्णय गरेकोछ ।
एमालेलाई पनि सहमतिमा ल्याउँदै संशोधन विधेयक प्रक्रियामा लैजाने सहमति भएको नेताहरुले बताएका छन ।

संविधान संशोधन प्रक्रिया राजनीतिक विषय भएकाले यसलाई सर्बोच्च अदालतले अझै प्रष्ट पारेको बैठकमा प्रधानमन्त्री पुष्पकमल दाहाल प्रचण्डले जानकारी गराउनुभएको थियो ।

अबको संसद् बैठकमा एमालेले अवरोघ नगर्ने गृहमन्त्री बिमनेन्द्र निधिको भनाइ छ । एमालेले सरकारले संसद सचिवालयमा संशोधन प्रस्ताव दर्ता गरेसँगै निरन्तर संसद् बैठक अवरुद्ध गर्दै आएको छ ।

सरकारले गत मंसिर १४ गते संसदमा भाषा, सिमाङकन, नागरिकता र राष्ट्रियसभामा प्रतिनिधित्व गर्ने सदस्यबँरेमा संविधानमा संशोधन गर्नुपर्ने भन्दै प्रस्ताव दर्ता गरेको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com