केन्द्रमा पानी जहाज कार्यलय खुल्दा,प्रदेश ५ का मन्त्रीहरु झाडु बोकेर सडकमा
प्रकाशित मिति : फाल्गुन २, २०७५ बिहीबार
पानी जहाज सञ्चालनका लागि भन्दै आज प्रधानमन्त्री केपी शर्मा ओलीले कार्यलयको उद्घाटन गर्नु भएको छ । तर, प्रदेश सरकारका मन्त्री भने झाडु बोकेर सड्क सफाईमा लाग्नु भएको छ ।
प्रदेश नम्बर ५ को स्थापना दिवस आजबाट प्रदेश भरी कार्यक्रम गर्दै मनाउन सुरु भएको छ । प्रदेश सरकारको निर्णय अनुसार ३ दिन सम्म मनाउन थालिएको प्रदेश स्थापना दिवसका अवसरमा आज प्रदेशका प्रमुख राजमार्गहरुको सरसफाई गर्दै प्रदेश दिवस मनाउन थालिएको हो ।
पश्चिम सिमाना बर्दियाको भुरिगांउबाट उद्योग, पर्यटन, वन तथा वातावरण मन्त्री लिला गिरी र पुर्व सिमाना वर्घाट चौराहाबाट भूमि व्यवस्था, कृषि तथा सहकारी मन्त्री आरती पौडेलको अगुवाईमा आज बिहानैबाट सरसफाई अभियान सुरु भएको प्रदेश मुख्य मन्त्रीको कार्यालयले जनाएको छ ।
यसैगरि आन्तरिक मामिला तथा कानुन मन्त्री कुल प्रसाद के सी बांकेको कोहलपुर चोकबाट, भौतिक विकास मन्त्री बैजनाथ चौधरी कपिलवस्तुको चन्द्रौटा चोकबाट र सामाजिक विकास मन्त्री सुदर्शन बराल दाङको लमही चोकबाट सरसफाई अभियानमा सहभागी भएका छन् ।
नम्बर प्रदेशका मुख्यमन्त्री शंकर पोखरेलले आज बुटवलको जितगढी चौकबाट राजमार्ग सरसफाई कार्यक्रको थालनि गर्नुभएको थियो ।
सरसफाई कार्यक्रमका अवसरमा बोल्दै मुख्यमन्त्री पोखरेलले नगर र बजारहरुसंगै बनजंगल र ग्रामीण क्षेत्रपनि सफा राख्न आवश्यक रहेको बताउनुभयो । उहांले वाताबरण सफा बनाई प्रदेशलाई नै स्वच्छ र स्वस्थ बनाउने अभियान अन्तर्गत सरसफाईको अभियान सुरु गरिएको बताउनुभयो ।
अघिल्लो वर्ष फागुन ३ गते प्रदेश नम्बर ५ को घोषणा भएको थियो । प्रदेश सरकारले फागुन ३ लाई प्रदेश स्थापना दिवसकारुपमा मनाउने घोषणा गरेको छ । फागुन ३ गते औपचारीक समारोह र ४ गते स्वास्थ्य शिबिर सहति सामाजिक कार्य गर्दै दिवस मनाईने प्रदेश सरकारको कार्यक्रम रहेको छ ।