न्युयोर्कमा हिमपात र बरफसहित वर्षा, सडकहरु चिप्ला र हिलाम्मे
प्रकाशित मिति : माघ २९, २०७५ मंगलबार
न्युयोर्कमा मंगलबार विहानको हिमपात र त्यसपछिको बर्षाका कारण सडकहरु चिप्ला भएका छन् भने सडकपेटी हिलाम्मे भएका छन् । न्युयोर्क, न्युजर्सी र कनेक्टिकट लगायतका क्षेत्रमा भएको हिमपातका कारण सयौं सानातिना दुर्घटनाहरु भएका छन् ।
खराब स्थीतिको सामना गर्नुपर्ने अनुमानका कारण न्युजर्सीका गभर्नर फिल मर्फीले राज्य संकटकालको घोषणा गर्दै सरकारी कार्यालय र विद्यालयहरु बन्दको घोषणा गरेका थिए । न्युयोर्कमा भने विद्यालयहरु संचालनमा रहेका थिए ।
हिमपातपछिको अव्यवस्थाका कारण सरकारी अधिकारीहरुले सर्वसाधारणहरुलाई सकभर सार्वजनिक यातायातको प्रयोग गर्न सुझाव दिएका छन् । डिपार्टमेन्ट अफ सेनिटेशनका २ हजार कर्मचारीहरुले काम गरिरहेका छन् भने ६९५ वटा नुनछर्ने गाडीहरु र १ हजार हिउ सोहोर्ने गाडीहरु तैनाथ छन् ।
