अदालतले कार्यान्वयनमा रोक लगाएको एसाइलम प्रतिबन्धमा ट्रम्पले थपे ९० दिन - KHASOKHAS

अदालतले कार्यान्वयनमा रोक लगाएको एसाइलम प्रतिबन्धमा ट्रम्पले थपे ९० दिन

अमेरिकी राष्ट्रपति डोनाल्ड ट्रम्पले सिमा क्षेत्रबाट गैरकानुनी रुपमा प्रवेश गर्नेहरुलाई एसाइलम नदिने घोषणाको अवधि थपेका छन् । अदालतले कार्यान्वयनमा रोक लगाएको पूरानो कार्यकारी आदेशको ९० दिन सकिदै गर्दा ट्रम्पले अर्को ९० दिनको अवधि थपेका हुन् ।

आधिकारिक पोर्ट अफ इन्ट्रीबाहेक अन्य क्षेत्रबाट अमेरिका प्रवेश गर्ने कागजपत्रविहिनहरुलाई अमेरिकामा एसाइलम आवेदन दिन वञ्चित गर्ने कार्यकारी आदेशमा ट्रम्पले ९० दिन थपेका हुन् । यद्यपी यो आदेश कार्यान्वयनमा अदालतले रोक लगाइसकेको छ ।

ट्रम्पले नयाँ घोषणामा हरेक दिन २ हजारका दरले दक्षिणी सिमाबाट कागजपत्रविहिनहरु अमेरिकामा प्रवेश गरिरहेको उल्लेख गरेका छन् ।

गत जनवरी ९ मा ट्रम्पले पोर्ट अफ इन्ट्रीमा आएर आत्मसपर्मण गर्नेहरु बाहेक सिमाक्षेत्रबाट गैरकानुनी रुपमा प्रवेश गर्नेलाई ९० दिन एसाइलमको अधिकारबाट वञ्चित गर्ने कार्यकारी आदेश जारी गरेका थिए । तर लगत्तै क्यालिफोर्नियाका न्यायाधिसले उक्त आदेश कार्यान्वयनका लागि रोक लगाएका थिए । डिसेम्बरमा सर्बोच्च अदालतले पनि क्यालिफोर्नियाका न्यायाधिसको आदेशलाई नै सदर गरेको थियो ।

नयाँ घोषणामा ट्रम्पले अदालतको आदेशबिरुद्ध अपिल गर्ने जनाएका छन् । अदालतले कार्यान्वयनमा रोक लगाएको एसाइलम प्रतिबन्धको अवधि ट्रम्प प्रशासनले बढाउनु अर्थहिन भएको अधिकारकर्मीहरुले जनाएका छन् ।

शुक्रबार, माघ २५, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री

WP Facebook Auto Publish Powered By : XYZScripts.com