२ हात र एक खुट्टा गुमाएका कुँवरलाई सहयोग गर्न क्यानडाबाट १० हजार डलर संकलन अभियान लक्ष्य नजिक
प्रकाशित मिति : माघ २३, २०७५ बुधबार
क्यानडा निवासी युवा व्यवसायी विजय पौडेलको नेतृत्वमा दुबै हात र खुट्टा गुमाएका बाँकेका बुद्धीमान कुँवरको सहयोगको लागि संचालित आर्थिक संकलन अभियान लक्ष्यनजिक पुगेको छ । १० हजार क्यानेडियन डलर संकलनको लक्ष्यसहित फेसबुकमा सुरु गरिएको अभियानमा अहिलेसम्म ९ हजार क्यानेडियन डलरभन्दा धेरै संकलन भइसकेको छ ।
तपाई पनि सहयोग गर्न चाहनुहुन्छ भने यहाँ क्लीक गर्नुहोला ।
अभियान सम्पन्न भइसकेपछि रकम हस्तान्तरण गरिने र सहयोगदाता सबैको नाम सार्वजनिक गरिने पौडेलले सामाजिक सञ्जालमार्फत जनाएका छन् । आफूलाई सकारात्मक अभियानमा लाग्न प्रेरित गरेकोमा पौडेलले सबै सकारात्मक सोंच भएकाहरुलाई धन्यवाद समेत दिएका छन् ।
कुँवरले करेन्ट लागेर दुबैहात र एउटा खुट्टा गुमाएका थिए । रोजगारीको शिलशिलामा भारतमा करेन्ट लागेर उनले हातखुट्टा गुमाउनु परेको हो ।