शिकागोमा चिसोमा अलपत्र ७० होमलेस होटलमा, बिल तिर्नेले राखे नाम गोप्य


प्रकाशित मिति : माघ १७, २०७५ बिहीबार

अमेरिकाको शिकागोमा चिसोका कारण अलपत्र भएका ७० जना होमलेसलाई एकजना दानी व्यक्तिले होटलमा लगेर शरण दिएका छन् । होमलेसहरुलाई होटलमा राखेर चिसोबाट बचाउने उक्त व्यक्तिले आफ्नो परिचय भने गोप्य राखेका छन् ।

आगलागीका कारण शिकागोको होमलेस क्याम्पस खाली गराउनुपर्ने अवस्था आएपछि त्यहाँ रहेकाहरु चिसोमा अलपत्र परेका थिए । स्थानीय हरुले प्रदान गरेको ग्यास सिलिण्डरबाट ताप लिइरहेका होमलेसहरु बुधबार दिउसो एउटा सिलिण्डरमा बिष्फोट भएपछि अलपत्र परेका थिए ।

त्यसपछि उनीहरुलाई एकजना दाताले होटलमा लगेर राखेका थिए । होटलको बिल पनि उनै महान हृदय भएका दाताले तिरेका थिए । तर प्रचारमा आउन नचाहेकाले ती महान् दाता को हुन् भन्नेबारे जानकारी प्राप्त भएको छैन ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com