पूर्वयुवराज पारस शाहलाई हृदयघात, अवस्था गम्भीर
प्रकाशित मिति : माघ १४, २०७५ सोमबार
पूर्वयुवराज पारस शाह हृदयघात भएको छ । उनी थापाथलीस्थित नर्भिक अस्पतालमा भर्ना भएका छन्। उनको अवस्था गम्भीर रहेको अस्पताल स्रोतले जनाएको छ।
ललितपुरको मंगलबजारस्थित कोपितेश्वर महादेव र हिरण्यवर्ण मन्दिरमा पूजाअर्चना गर्दै गर्दा अप्ठ्यारो भएपछि उनलाई सोमबार सवा ४ बजे नर्भिक अस्पतालमा भर्ना गरिएको हो।
‘उहाँको मुटुका दुई वटा धमनी ब्लक छन्’, अस्पताल स्रोतले भन्यो, ‘अस्पतालका मुटु रोग विभाग प्रमुख डाक्टर यादव भट्ट नेतृत्वको टोलीले ब्लक खोल्ने निरन्तर प्रयास गरिरहेका छन्।उनी को अवस्था अत्यन्त गम्भीर छ।’
यसअघि दुई पटक हृदयघातबाट गुज्रिएका पारस तेस्रो पटक हृदयघातपछि अस्पताल पुगेका हुन्।