पश्चिमी वायुले नेपालमा जाडो असामान्य तरिकाले बढ्यो
प्रकाशित मिति : माघ १२, २०७५ शनिबार
पश्चिमी वायुको प्रभावले शुक्रबारदेखि नै देशभरी कै मौसम बदली भई धेरै ठाउँमा पानी परिरहेको छ । आज अर्थात शनिबार देशभरी कै मौसम बदली भई धेरै ठाउँमा पानी पर्ने जल तथा मौसम पूर्वानुमान महाशाखाले जनाएको छ । महाशाखाका मौसमविद राजु प्रधानाङ्गका अनुसार शनिबार केहीबेर मौसम खुलेपनि फेरि बदली भई पानी पर्नेछ । ठूलो पानी पर्ने सम्भावना भने नरहेको उहाँले बताउनुभयो । यस्तै, उच्च पहाडी तथा हिमाली भेगमा हिमपात पनि हुने मौसमविद् प्रधानाङगले बताउनुभयो ।
आइतबारदेखि भने देशभरी कै मौसममा सुधार आउने उहाँको अनुमान छ । पानी पर्न रोकिएपछि बिहान बेलुकी भने चिसो बढ्नेछ । बाहिर निस्कदा छाता लिएर निस्कन र बस्दा खेरि न्यानो कपडा लगाएर समुहमा बस्न चिकित्सकहरुले सुझाएका छन ।