अमेरिकामा नायक अनमोल र सुहानाको रोमान्स
प्रकाशित मिति : माघ ६, २०७५ आईतबार
फिल्म ‘ए मेरो हजुर ३’ को यतिबेला फिल्म छायांकन भैरहेको छ । नेपालको छायाँकन सकेर ‘ए मेरो हजुर ३’ टोली अमेरिकामा गएको हो । निर्देशक झरना थापाको निर्देशनमा नायक अनमोल केसी, नायिका सुहाना थापा र अभिनेता सरोजले टेक दिइरहेका छन् । निर्माता सुनिल कुमार थापा पनि उतै छन् ।
गीत र फिल्मका केही दृश्यहरु छायांकन गरिएको निर्देशक झरना थापाको भनाई छ । म्युजिकल लभ स्टोरी फिल्ममा अनमोल, सुहाना र सरोजसँगै अर्पण थापा, सलोन बस्नेत, रबिन्द्र झा लगायतको समेत अभिनय रहेको छ । फिल्मलाई सुहाना इन्टरटेनमेन्टको प्रस्तुतीमा सुनिल कुमार थापाले निर्माण गरेका हुन् । फिल्म चैत २९ गते प्रदर्शन हुँदैछ ।