नयाँ हवाई रुट दिन भारत तयार
प्रकाशित मिति : माघ ३, २०७५ बिहीबार
नेपाललाई नयाँ हवाई रुट दिन भारत तयार देखिएको छ । भारतीय उड्डयनमन्त्री सुरेश प्रभाकर प्रभुले नेपाललाई हवाई रुट दिने प्रतिवद्धता जनाएका छन् । बुधबार भएको दुईपक्षीय छलफलमा नेपालले राखेको नयाँ हवाई रुट प्रस्तावमा आफूहरु सकारत्मक रहेको उनले जनाएका हुन् ।
संस्कृति पर्यटन तथा नागरिक उड्डयनमन्त्री रवीन्द्र अधिकारी र भारतीय समकक्षी सुरेश प्रभुबीच नयाँदिल्लीमा वार्ता भएको थियो । ‘वार्तामा विगतमा भएको सहमतिलाई नै टेकेर अगाडि बढ्ने प्रतिवद्धता दुवै पक्षबाट प्राप्त भएको छ,’ प्रतिनिधिमन्डलका सदस्य तथा संस्कृति, पर्यटन तथा नागरिक उड्डयन मन्त्रालयका सहसचिव बुद्धिसागर लामिछानेले भने विगतकै सहमतिलाई टेकेर पुनः प्राविधिक तहको वार्ता गर्ने जनाउ भारतीय मन्त्रीले दिएको सहसचिव लामिछानेले जानकारी दिएकाछन् ।