Follow @khasokhasmag

उपत्यकामा अंग्रेजी नयाँ वर्षको कार्यक्रममाथि रोक


प्रकाशित मिति : पुस १३, २०७३ बुधबार

अंग्रेजी नयाँ वर्षको पूर्व सन्ध्यामा काठमाडौं उपत्यकाका कुनै पनि सडकमा स्टेज कार्यक्रम गर्नबाट रोक लगाइएको छ । नेपाल प्रहरीले आपराधिक घटना एवं सडक दुर्घटना हुन सक्ने भन्दै  स्टेज कार्यक्रममा प्रतिबन्ध लगाएको बताएको छ ।  उपत्यकामा एकीकृत सुरक्षा योजना लागू गरेर प्रहरीले सडकमा स्टेज कार्यक्रममार्फत गरिने शुभकामना आदानप्रदानमा प्रतिबन्ध लगाएको हो । जसअनुसार आउँदो शनिबार र आइतबार सडकमा कुनै पनि कार्यक्रम गर्न पाइने छैन ।

उपत्यका ट्राफिक प्रहरी महाशाखाका डीआईजी प्रकाश अर्यालले सुरक्षा संवेदनशील क्षेत्रमा कुनै पनि स्टेज कार्यक्रम गर्न नदिने बताए । उनले अपराध र दुर्घटनामुक्त उपत्यका बनाउने उद्देश्यले एकिकृत सुरक्षा योजना लाग बताए । चाडपर्वका नाममा अवाञ्छित क्रियाकलाप एवं मादक पदार्थ सेवन गरेर सवारी हाँक्ने, झगडा गर्ने, लागू पदार्थ सेवन गर्ने हुनाले सडक स्टेज कार्यक्रममा प्रतिबन्ध लगाइएको बताए ।

यी दुई दिन प्रहरीले उपत्यकामा २ हजार प्रहरी खटाउने भएको । साथै १ सय १५ स्थानमा सवारी साधनहरुको जाँच गरिने भएको छ । सुरक्षा सम्बन्धी कुनै सुझाव एवं गुनासो भए प्रहरीको आकस्मिक नम्बर १००, १०३ मा फोन र ९८५१२९५१०० मा एसएमएसद्वारा सम्पर्क राख्न समेत महाशाखाले अनुरोध गरेको छ ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com