फरबरी भिसा बुलेटिन : के हुँदैछ एक्स्ट्राअर्डिनरी ग्रिनकार्ड फाइल गर्ने नेपालीको

खसोखास अमेरिका ब्यूरो

---

प्रकाशित मिति : पुस २७, २०७५ शुक्रबार

अमेरिकी सरकारको विदेशमन्त्रालय ब्यूरो अफ कन्सुलर अफेयर्सले फरबरी महिनाका लागि जारी गरेको भिसा बुलेटिनमा एक्स्ट्राअर्डिनरी ग्रिनकार्ड फाइल गर्ने नेपालीहरुका लागि अपडेट प्रदान गरिएको छ । फरबरी महिनामा एक्स्ट्राअर्डिनरी आवेदन आईवान ४० स्वीकृत भइसकेका र १ डिसेम्बर २०१७ भन्दा अगाडि प्राथमिकता मिति भएकाहरुलेमात्र ग्रिनकार्ड प्राप्त गर्नेछन् ।

त्यस्तै फरबरी महिनामा एक्स्ट्राअर्डिनरी आवेदन आईवान ४० स्वीकृत भइसकेका तर १ जुन २०१८ भन्दा अगाडि प्राथमिकता मिति भएका नेपालीहरुलेमात्र ग्रिनकार्डका लागि आवेदन दिन सक्नेछन् । अहिलेकै अवस्था कायम रहेमा उनीहरुले ग्रिनकार्ड प्राप्त गर्नका लागि १४ महिनासम्मको अवधि लाग्नेछ ।

एक्स्ट्राअर्डिनरी आवेदन आईवान ४० फाइल गरेकाहरुको सन्दर्भमा उनीहरुको आवेदन स्वीकृत भएको खण्डमा स्वीकृत पत्रसँगै प्राथमिकता मिति उल्लेख गरिएको छ । उक्त प्राथमिकता मिति अनुशार भिसा बुलेटिन हेरेर आवेदन स्वीकृत हुनेहरुले ग्रिनकार्डको आवेदन फाइल गर्नुपर्छ ।

विगतमा एक्स्ट्राअर्डिनरी ग्रिनकार्डका लागि आवेदन दिन नेपालीहरुले आईवान ४० र ग्रिनकार्ड आवेदन आई ४८५ एकैपटक फाइल गर्न पाउँथे । तर अहिले भने आईवान ४० स्वीकृत भइसकेपछि ग्रिनकार्ड आवेदन आई ४८५ आवेदन दिनका लागि प्राथमिकता मिति करेन्ट हुँदासम्म कुर्नुपर्ने बाध्यता आएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

यो बाध्यताका कारण भिजिटर भिसामा आएर एक्स्ट्राअर्डिनरी आवेदन फाइल गर्ने नेपालीहरुले पनि स्वेदश फर्केर कन्सुलर प्रकृयामार्फत भिसा लिएर आउनुपर्ने अवस्था सृजना भएको छ । कन्सुलर प्रकृयामार्फत भिसा लिएर आउने क्रममा काठमाडौंमा रहेको अमेरिकी दूतावासले छानविन प्रकृया तीब्र पारेको छ ।