Follow @khasokhasmag

छुट्टिएको १६ महिनापछि प्रचण्ड र बाबुराम एउटै मञ्चमा


प्रकाशित मिति : पुस ११, २०७३ सोमबार

 

प्रधानमन्त्री पुष्पकमल दाहाल प्रचण्डले परिर्वतन पक्षधर सबै एक ठाउँमा उभिनुको विकल्प नरहेकोे बताउनु भएको छ । माओवादी केन्द्रका नेता तथा सभासद् स्वर्गीय भक्तिप्रसाद पाण्डेको संघर्षशील यात्रामा आधारित पुस्तक चाचाको विमोचन कार्यक्रममा बोल्दै प्रधानमन्त्री प्रचण्डले परिर्वतन पक्षधर सबै एक ठाउँमा उभिनुको विकल्प नरहेकोे बताउनु भएको हो । माओवादी पूटेर छिन्नभिन्न हुँदा र दशबर्षे जनयुद्धबाट प्राप्त उपलब्धी उल्टाउने प्रयास भइैरहेकाले परिर्वतनकारी शक्ति एकजुट हुनपर्ने बेला भएको बताउनु भएको हो ।

प्रधानमन्त्री प्रचण्डले नयाँ शक्ति पार्टीका संयोजक डाक्टर बाबुराम भट्टराई अप्राकृतिक उत्तेजनाका कारण भौतिक रुपमा बाहिरिए पनि बैचारीक रुपमा प्ँर्टी भित्रै रहेको बताउँदै भौतिक, वैचारीक र राजनीतिक रुपमा एकै स्थानमा आउने विश्वास व्यक्त गर्नु भयो । अध्यक्ष प्रचण्डले एकीकरणका लागि कार्यकर्ताहरुले पहल गर्नु पर्ने धारणा राख्नु भयो ।

कार्यक्रममा बोल्दै नयाँ शक्ति पार्टी नेपालका संयोजक डाक्टर बाुबराम भट्टराईले नेपाली समाज र राजनीति नयाँ चरणमा प्रवेश गरिसकेकाले त्यही अनुसार विचार र कार्यगत एकता भएमा पुनर्मिलन हुनसक्ने बताउनु भयो ।

संयोजक भट्टराईले माओवाद जडसूत्रवाद र यान्त्रीकरण नभएर सायसापेक्ष परिवर्तन हुने भएकाले एकताको ढोका खुल्ला राखी बहस अधि बढाउनु पर्नेमा जोड दिनु भयो । कार्यक्रममा माओवादी केन्द्रका नेता दीनानाथ शर्माले १० बर्षे जनयुद्धको बाँ‘की कार्यभार पूरा गर्न पनि प्रचण्ड र बाबुराम भट्टराई एक ठाँउमा उभिनु पर्ने बताउनु भयो । स्वर्गीय नेता पाण्डेको पुस्तकमा संघर्षशील जीवन यात्रा र  जनयुद्धताका कसरी हतियारको व्यव्स्थापन गरिएको थियो भन्ने बिषय समेटिएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com